Առաջին օրը Pitti Uomo-ում չափազանց հագեցած օր էր: Ամեն ինչ սկսվեց իտալական M1992 ապրանքանիշի ցուցադրությունից: Դեֆիլեից առաջ տարածքի հատակին համակարգչային կոդի պրոեկցիա հայտնվեց, շատ տպավորիչ էր:
Հավաքածուն, կարծես, միլենիալների երազանք լիներ` դենիմ, oversize, մանուշակագույն ու փայլ: Իսկապես, շատ տպավորիչ էր:
Ցուցահանդեսի տարածքում pitti-իի սովորական ընթացքը խափանեց անձրևը: Պճնված տղամարդիկ չէին կողմոնորշվում` թաքնվել անձրևի տակ, թե նկարվել անձևի տակ:
Անկեղծորեն, խոստովանում եմ, այնքան տարվեցի ավանդական ճապոնական լասկուտները զննելով, որ ուշացա Magliano-ի ցուցադրությունից: Տեղ հասա միայն ցուցադրության ավարտին, լուսանկարներ անել չկարողացա:
Pitti Uomo-ն ունի կարևոր առանձնահատկություն: Եթե, նույնիսկ, շնորհանդեսի կամ ցուցադրության հագուստն այնքան էլ հետաքրքիր չէ, որպես կանոն, այն անցնում է ինչ-որ անհավանական գեղեցիկ վայրում: Այժմյան ամենակուլտային ամսագիրը` գերմանական 032c-ն, իր հագուստի առաջին հավաքածուի ցուցադրությունը կազմակերպել էր Մեդիչիների պալատում:
Ամսագիրն այսօր ամենաթոփերից է, օրինակ, նրանց գլխավոր խմբագիրն աշխատում է Ռիհաննայի հետ: Դա է պատճառը, որ ցուցադրությանը սպասում էին շատերը: Ոչ պակաս աստղային էր նաև 032c- ի շնորհանդեսի բարմենը` ջին տոնիկ էր պատրաստում ոչ ավել, ոչ պակաս Ջաստին Օշինը:
Այս ամենն, իհարկե, հետաքրքիր էր, բայց այն, ինչ սպասվում էր օրվա ավարտին, պարզապես, ցնցող էր: Ճապոնական հանրահայտ Undercover նորաձևության տունը ներկայացնում էր իր աշուն-ձմեռ 2018-19 հավաքածուն: Ցուցադրությունը բաղկացած է...