Ինչպես ոստիկանությունը հաղորդել էր, փետրվարի 3-ին գյումրեցի մի քանի տղամարդիկ կողոպտել են զբոսաշրջիկներին, տարել գումար, հեռախոս, ՌԴ քաղաքացու անձնագրերը։ Վերջիններս ձերբակալվել են։
«Հայկական ժամանակ»-ի տեղեկություններով՝ ձերբակալվածներից մեկը Գյումրու ավագանու ՔՊ խմբակցության անդամ Աղասի Մաթևոսյանն է, մյուսները՝ նրա շրջապատից: Աղասի Մաթևոսյանը, ըստ լուրերի, նախկին փոխվարչապետ Համբարձում Մաթևոսյանի ազգականն է։
Գյումրու ավագանու ՔՊ խմբակցության ղեկավար Քնարիկ Հարությունյանը մեր հետ զրույցում ասաց, որ նախաքննության փուլում վաղաժամ գնահատական հնչեցնել չի ցանկանա, քանի որ հարցը իրավապահ մարմինների ուշադրության կենտրոնում է, զերծ կմնա որեւէ մեկնաբանությունից։
«Անմեղության կանխավարկածի խաթարումը խնդրահարույց է ոչ միայն անձի իրավունքների, այլ նաև քննության հետագա ընթացքի տեսանկյունից»,- ասաց Հարությունյանը։
Այս պարագայում, ըստ նրա, Աղասի Մաթևոսյանի անդամակցության մասին քննարկում հնարավոր չէ նախաձեռնել։ «Ստեղծված իրավիճակի շուրջ և, առհասարակ, մոտեցումս մեկն է՝ օրենքի առաջ բոլորն են հավասար`անկախ կուսակցական պատկանելիությունից և քաղաքական հա...