ԱԺ «Լուսավոր Հայաստան» խմբակցության պատգամավոր Արկադի Խաչատրյանի հետ զրուցել ենք գազի սակագնի բարձրացման մասին։
Պատգամավորը սա քաղաքական, տնտեսական, սոցիալական նշանակություն ունեցող խնդիր է համարում և կարծում, որ այն օրակարգային հարց է միշտ։ Խաչատրյանն այս թեմային պարբերաբար անդրադառնում է. ինքն էլ մտահոգություններ ունի, մի շարք հարցեր է առաջ քաշել, բայց սպառիչ պատասխաններ դեռ չի ստացել։
«Հիշեցի անցած տարի մարտի 27-ին ԱԺ-ում կառավարության հետ հարց-պատասխանի ժամանակ իմ կողմից բարձրացված հարցը, թե ո՞վ է փակելու Հայաստան մատակարարվող գազի թանկացման հետևանքով առաջացող ֆինանսական ճեղքը», - պատգամավորին հենց այս հարցի պատասխանն է հետաքրքրում։
Տնտեսագետ-պատգամավորը խնդրի լուծման մի քանի հնարավոր տարբերակ է առանձնացրել։
«Տարբերակ էր սակագնի բարձրացումը, թեև դա վարչապետը բացառել էր, պետության կողմից ճեխքի մարում, սա իրենից պետական պարտք էր ենթադրում, ինչը ևս բացա...