Շուրջ 4 տարի է՝ Անի Դաշյանը բացակայում է հեռուստաեթերից: Հաղորդավարուհու կյանքում փոփոխությունները հաջորդեցին մեկը մյուսին՝ ամուսնություն, առաջնեկի ծնունդ եւ տեղափոխություն Մոսկվա: 2019 թվականի տարեսկզբին նա ընտանիքով կրկին Երեւան վերադարձավ: Թե ինչպիսին է Անիի առօրյան, երբ է պատրաստվում վերադառնալ եթեր, նա պատմել է BRAVO.am-ին: «Պարզապես ասել, որ կարոտել եմ, կստացվի չասել ոչինչ: Հեռուստատեսությունն ինձ համար մագնիս է, որը միշտ ձգում է: Առօրյաս ճիշտ այնպիսին է, ինչպիսին բոլորինն է, ովքեր ունեն 3 տարեկան բալիկ. փոքրիկին կերակրել, զբոսանքի տանել, քնեցնել, խաղալ եւ օրվա վերջում ուժասպառ ընկնել անկողնում»,- ասել է Անին եւ հավելել, որ դեռեւս հստակ չէ՝ երբ կվերադառնա եթեր:
Ինչպես նշել է, տեղափոխություններին ու փոփոխություններին շատ դժվար է հարմարվում: Երկար ժամանակ է դրա համար պահանջվում: Տարիներ առաջ չէր էլ կարող պատկերացնել, որ կտեղափոխվի Մոսկվա՝ մշտական բնակության: Ամեն դեպքում կարծում է՝ կյանքը հետաքրքիր է ու հիասքանչ, աշխատում է վայելել ամեն օրը, ընտանիքի ու բալիկի ներկայությունը:
Երեւան վերադառնալուց հետո գործնական առաջարկներ Անին ստացել է, որոնք մերժել է.«Նախագծի համար բյուջեն շատ սուղ էր: Ունեմ անհագ ցանկություն նորից եթերում լինել, բայց եւ թանկ եմ գնահատում իմ ժամանակն ու գիտելիքները: Ոչինչ ինքնանպատակ չպետք է լ...