Շանթի երաժշտական նախագծերից հայտնի Լենա Ղազարյանն ամիսներ առաջ խոստովանեց, որ սիրտը զբաղված է, օրերս էլ՝ իր տարեդարձի նախօրեին, ամուսնության առաջարկ է ստացել:«Մեկ շաբաթ առաջ գիտեի, որ հոկտեմբերի 16-ին հրավիրված ենք մեր ընկերներից մեկի տարեդարձին: Պատրաստվել էի միջոցառմանը, բայց մինչ այնտեղ հասնելը գնացինք Նշանի տուն: Տան բակում հավաքվել էին մեր ընկերները, մտերիմները: Երբ մտանք ներս, շոկ ապրեցի: Ինձ թվաց, թե տարեդարձս ենք մեկ օր շուտ նշելու: Երբ տեսա մատանու տուփը, սկսեցի դողալ: Առաջարկություն անելու պահին Նշանն անընդհատ հանգստացնում էր ինձ, ասում, որ չդողամ, բայց ես կորցրել էի ինձ, արցունքներս էին անգամ քարացել: Հեքիաթային էր ամեն ինչ, աննկարագրելի սիրուն: Ցանկանում եմ, որ յուրաքանչյուր աղջիկ զգա այդ ամենը, իր կյանքում նման օր ապրի»,-BRAVO.am-ին պատմել է երգչուհին եւ հավելել, որ այդ ամենն իսկապես անակնկալ էր: