Լոռու մարզի ոստիկանները հանցանքի վայրում փախուստի դիմելիս հետապնդել ու բռնել են կասկածյալ 4 գողերի. նրանցից մեկը ՀՀ ՊՆ ծառայող է

SHAMSHYAN.com-ի տեղեկություններով՝ Հայաստանի քննչական կոմիտեի Լոռու մարզային քննչական վարչությունում երեկ՝ հունվարի 11-ին, ՀՀ քր. օր-ի 177 հոդվածի 3-րդ մասի 1.1 կետով հարուցվել է քրեական գործ։ Նշված քրգործի շրջանակում կան ձերբակալվածներ։

Ինչպես հայտնում է ֆոտոլրագրող Գագիկ Շամշյանը, երեկ՝ հունվարի 11-ին, Ոստիկանության Լոռու մարզային վարչության և Վանաձոր քաղաքի Ոստիկանության Տարոնի բաժնի ծառայողներն օպերատիվ տվյալներ են ստացել, որ Աղայան փողոցի 74/1 շենքի բնակարաններից մեկում գողություն է կատարվում։

Ոստիկանները հաշված րոպեների ընթացքում հասնում են նշված վայր, որտեղ նկատում են, որ 4 հոգի Mercedes մակնիշի 34 ՏZ 783 համարանիշի ավտոմեքենայի մեջ իրեր տեղադրեցին ու դիմում են փախուստի։

Ոստիկանները հետապնդում են Mercedes-ին և Նարեկացի փողոցի թիվ 15 հասցեի մոտ մեկ այլ օպերատիվ խմբի հետ համագործակցելով՝ կարողանում են կանխել Mercedes-ի հետագա փախուստը և նրանց բերման են ենթարկում Ոստիկանության Տարոնի բաժին։

Գ. Շամշյանի տեղեկություններով՝ պարզվում է, որ նրանք են Վանաձոր քաղաքի Լանջային փողոցի բնակիչ՝ 24-ամյա Անդրանիկ Առաքելյանը, Վանաձոր քաղաքի Տարոն 7 թաղամասի բնակիչ՝ 28-ամյա Գևորգ Մանուկյանը, Վանաձոր քաղաքի Բաթումիի փողոցի բնակիչներ՝ 26-ամյա Սամվել Հասանյանը և 27-ամյա Արմեն Հարությունյանը։

Պարզվում է, որ ժամը 19։50-ի սահմաններում 47-ամյա Վարուժան Սաքանյանին պատկանող Աղայան փողոցի 74/1 շենքի 13 բնակարանի դռան փականը վնասված է։ Այդ մասին ոստիկան...