Ելենա Արշակյանի նոր սերիալը, անհանգստության առիթն ու դերասանների հետ այցը Մոսկվա

ATV-ի եթերում երեկ մեկնարկեց Ելենա Արշակյանի նոր նախագիծը: «Օջախի երգը» հեռուստասերիալի սյուժեի եւ դերասանական կազմի մասին պրոդյուսերը պատմել է BRAVO.am-ին, նաեւ պարզաբանել, թե ինչու է այս օրերին մի քանի դերասանների հետ գտնվում Մոսկվայում:«Մեր սերիալի թեմաները միշտ ընտրում ենք՝ հաշվի առնելով ժամանակի թելադրանքը. հասկացանք, որ այժմ այս թեման արդիական է, խոսելու ենք ընտանիքի եւ ընտանիքում տիրող մթնոլորտի մասին: Երբ փոքր էի, միշտ ընտանիքով նստում էինք հաց ուտելու եւ սպասում էինք՝ երբ է հայրս վերադառնալու աշխատանքից: Երբ վերադառնում էր, մենք ընթրում էինք: Նա նստում էր սեղանի գլխին, իսկ այդ ավանդույթը ժամանակի ընթացքում վերացավ: Այժմ մենք խոսելու ենք հայկական օջախի եւ ավանդույթների մասին: Ներկայացնելու ենք Արշակ Ադամյանցի ընտանիքն՝ իր խնդիրներով»,- նշել է Ելենան:

Ինչ վերաբերում է դերասանական կազմին, նա ասել է.«Ամենաբարդն ընտանիքի հոր՝ Արշակ Ադամյանցի կերպարն ընտրել էր: Նրան մարմնավորում է Արտակ Այվազյանը: Մնացածն ըստ մեր օրակարգի է եղել. արել ենք քասթինգ, ընտրել մյուս դերասաններին՝ համապատասխան կերպարներով: Եղել է, որ վերջին օրով դերասան ենք փոխել: Քովիդը բոլորիս պլանները խառնում է: Եղել է՝ դերասանը եկել է փորձերի, հետո վարակվել կորոնավիրուսով, եւ վերջին օրով նոր դերասան ենք ընտ...