Իրավապաշտպաններն արձանագրում են, որ Ոստիկանության պարեկապահակետային ծառայության (ՊՊԾ) գնդի գրավման օրերին շուրջ երեք տասնյակ լրագրողների ծեծելու կամ վնասվածք հասցնելու համար դեպքերից մեկ տարի է անցել, սակայն որևէ ոստիկանի մեղադրանք չի առաջադրվել:
Խոսքի ազատության պաշտպանության կոմիտեի նախագահ Աշոտ Մելիքյանի փոխանցմամբ՝ նախորդ տարվա հուլիսյան իրադարձությունների ժամանակ վնասվածք ստացած 27 լրագրողներից 21-ն է Հատուկ քննչական ծառայության կողմից տուժող ճանաչվել, իսկ մեղադրանք առաջադրվել է 9 քաղաքացիական անձի, ընդ որում՝ նրանցից 7-ը միայն տուգանքների ենթարկվելով ազատվել են պատասխանատվությունից:
«Մարդը կարող է 200 հազար տուգանքով լրագրող ծեծել: Սարի թաղի և Խորենացում դեպքերի հետ կապված որևէ ոստիկանի մասին խոսք չի գնում, մինչդեռ հասկանալի է, որ այդ հատուկ միջոցները, որ կիրառվում էին, դրանք քաղաքացիական անձինք չէին կիրառում: Ընդ որում, մենք վկայություններից գիտենք, որ դա նպատակաուղղված է եղել՝ լրագրողներին և օպերատորներին մի տեղ են հավաքել և դրանից հետո կիրառել են հատուկ միջոցները: Քաղաքացիական անձինք դա անել չէին կարող: Այնպես որ, մենք շարունակում ենք պնդել, որ այս գործով տասնյակ ոստիկաններ, որոնք չարաշահել են իրեն...