«Ախուրեան-Արաքս սահմանը չէ, որ իրաւականօրէն պէտք է համարել Հայաստան-Թուրքիա սահմանները, այլ՝ Ուիլսընեան համաձայնագրով նախատեսուած սահմանները։
Չորեքշաբթի, 27 Մայիս 2020-ին, «Հորիզոն»ի տեղեկատուական բաժանմունքը հարցազրոյց մը ունեցաւ պատմաբան, պատմական գիտութիւններու Դոկտոր-Փրոֆեսոր, Հայաստանի Հանրապետութեան Գիտութեան Ազգային Ակադեմիայի անդամ ու Ակադեմիայի Պատմութեան Ինստուտի տնօրէն՝ Փրոֆ. Աշոտ Մելքոնեանին հետ, արծարծելով՝ Հայաստանի Առաջին Հանրապետութեան՝ 28 Մայիս 1918-ի Անկախութիւնը։
Հարցազրոյցի ընթացքին քննարկուեցան՝ Անկախութեան օրերուն տարածաշրջանի քաղաքական ենթահողը, պատմական իրադարձութիւններն ու դերակատարները։ Արծարծուեցան նաեւ Ա. Հանրապետութեան ունեցած դերը, որպէս ներկայ Հայաստանի գոյութեան երաշխիք, ինչպէս նաեւ պատմափիլիսոփայական դասերը, որ պէտք է քաղել Ա. Հանրապետութեան օրերէն։ Հարցազրոյցի երկրորդ բաժինով քննարկուեցան Մոսկուայի եւ Կարսի պայմանագիրներուն պատմական հանգամանքները, էութիւնը, վաւերականութիւնն ու յետագայ զարգացումները։
Փրոֆեսոր Մելքոնեան նաեւ խօսեցաւ Սեւրի եւ Ուիլսընեան իրաւարար վճիռի անժամանցելիութեան եւ կարեւորութեան մասին։
Հարցազրոյցը կատարեց՝ Քրիստափոր Միքայէլեան։
«Պետականութիւնը ժողովուրդի մը կազմակերպման ամենէն բա...