ՏԵՍԱՆՅՈՒԹ. Ճանապարհների բացվելը մահ է մեր հայրենիքի համար, չինական պատ է պետք նրանց հետ․ Փարավոն Միրզոյան

Երկաթգծի կառուցումն ու ճանապարհների ապաշրջափակումը մեր հայրենիքի համար մահ է։ Չեն հասկանում, չեն պատկերացնում։ Սովետական, մինչեւ անգամ ստալինյան ժամանակ, երբ գնացքը Հայաստանից գնում էր Ադրբեջան, նրանք ավիրում էին այդ վագոնները, նրանց հետ չի կարելի ապրել։ Թուրքի հետ բարեկամությունը միշտ բերել է մեր կործանմանը։ Yerkir.am-ի հետ զրույցում այսպիսի տեսակետ հայտնեց ՀՀ արվեստի վաստակավոր գործիչ, ազգային պատկերասրահի նախկին տնօրեն Փարավոն Միրոզյանը։

«Մենք հո թուրքերին նոր չենք ճանաչում։ 5 հարյուր տարի է թուրքերը հայ ժողովրդի մշակույթը, կյանքը ավիրել են, հիմա էլ են ավիրելու։ Երբ ասում են՝ նրանց հետ ընկերություն, բարեկամություն անենք, այդպիսի բան հնարավոր չէ։ Դրանք անընդունելի են։ Պետք է չինական պարիսպ ստեղծել Հայաստանի եւ Ադրբեջանի մեջ։ Հնարավոր բան չէ, որ մեր ժողովուրդը ապրի նրանց հետ։ Նրանք ամեն ինչ կարող են անել՝ քրիստոնյա հային ոչնչացնելու համար»,-նշեց նա։

Դիտարկմանը՝ այդ դեպքում ինչպե՞ս են իշխանությունները՝ ադրբեջանցիների, թուրքերի հետ հարաբերությունները լավացնելու քարոզչություն տանում, փաստորեն չե՞ն գիտակցում հնարավոր վտանգենրը, Միրզոյանն ասաց․ «Նրանք պատմություն չգիտեն։ Նրանք չեն սովորել, չեն շփվել։ Իմ պապիկը Բաքվից փախել է մի կերպ 1920 թվականին։ Չի կարելի, մենք որքան հեռու լինենք նրանցից, ...