«Հանրապետության երաժշտական և արվեստի դպրոցների համար երաժշտական գործիքների ձեռք բերում» ծրագրի շրջանակում «Մեկնարկ» տաղանդի զարգացման նպատակային ծրագրի մասնակից, պատանի ջութակահար Անի Մելիքյանին տրամադրվել է ջութակ:
«Արմենպրես»-ի հաղորդմամբ՝ ծրագրի նպատակներն են համալրել ՀՀ մարզերի երաժշտական և արվեստի դպրոցների նյութատեխնիկական բազան, ստեղծել պետական աջակցությամբ մշտապես գործող երաժշտական գործիքների հավաքածու: Այն միտում ունի աջակցել սոցիալապես անապահով երեխաների՝ տրամադրելով ժամանակավոր օգտագործման համար երաժշտական գործիքներ և ապահովել նրանց մշակութային կրթություն ստանալու իրավունքը:
Այդպիսով ծրագիրը կարող է խթանել նրանց մասնագիտական ունակությունների զարգացմանը:
Ծրագրի շրջանակում երաժշտական գործիքներ են տրամադրվում հիմնականում ՀՀ մարզերի երաժշտական և արվեստի դպրոցներում սովորող շնորհալի պատանի երաժիշտներին, նոր ձևավորվող մասնագիտական դասարանների սաներին: Երաժշտական գործիքների բաշխումը հիմնվա...