Հայտնիների օնլայն մեդիա վարկանիշը դեկտեմբերին

BRAVO.am-ը ներկայացնում է, թե հայկական շոու-բիզնեսի որ ներկայացուցիչներին են ամենաշատն անդրադառնում մեդիայում եւ ինչ թեմաների շուրջ:Մեդիամաքս մեդիա ընկերության ԶԼՄ-ների մոնիտորինգի, վերլուծության եւ գնահատման MaxMonitor համակարգի օգնությամբ պարզեցինք այն հայտնիներին, ովքեր ամենաշատն են գտնվել լրատվամիջոցների ուշադրության կենտրոնում դեկտեմբեր ամսվա ընթացքում:

Մոտ 150 լրատվական կայքերի դեկտեմբեր ամսվա դիտարկման արդյունքներով ամենից շատ հիշատակված հայտնիների եռյակն է՝

• Հրանտ Թոխատյան՝ 106 հիշատակում

• Սոնա Ռուբենյան՝ 89 հիշատակում

• Սիրուշո՝ 76 հիշատակում

2

Ներկայացնենք հիշատակումների հիմնական բովանդակությունը.

Դեկտեմբերին հայկական մեդիայում հիշատակումների թվով առաջատար է եղել Հրանտ Թոխատյանը։ ՀՀ ժողովրդական արտիստը մեկն էր այն անձանցից, ովքեր պատրաստակամություն էին հայտնել «Սիսական» ջոկատի հրամանատար Աշոտ Մինասյանի խափանման միջոցը անձնական երաշխավորությամբ փոխելու դեպքում հանդիսանալ անձնական երաշխավոր:

Դեկտեմբերի 25-ին «Զանգակ» գրատանը դերասանը մասնակցեց «Սիթի օֆ Սմայլ» (Ժպիտների քաղաք) բարեգործական հիմնադրամի եւ «Զանգակ» գրատան «Նվիրենք երեխաներին տոն. հեքիաթի ժամ» նախաձեռնությանը եւ հեքիաթներ կարդաց փոքրիկների համար:

View this post on Instagram

A post shared by Hrant Tokhatyan Official (@hranttokhatyan)

Դեկտեմբերին հիշատակումների թվով երկրորդ հորիզոնականում է Սոնա Ռուբենյանը: Թեեւ երգչուհու հարսանիքը նոյեմբերին էր, հարսանիքի մասին քննարկումները շարունակվել են նաեւ դեկտեմբերին: Քննադատությունների թիրախում էր Սոնայի հարսանեկան զգեստը, եւ թեմային անդրադարձավ նաեւ զգեստի հեղինակը: «Բնականաբար, նորաձեւության եւ գեղեցիկի պատկերացումները բոլորիս դեպքում կարող են տարբերվել, բայց ամեն կարծիք եւ անհամաձայնություն պետք է մնա առնվազն կոռեկտության սահմաններում»,-նշել էր նա:

Մինչ հանրությունը քննարկում էր...