Այսօր առավոտյան համացանցում հայտնվեցին լուսանկարներ, որոնցում երևում էին Գյումրու լորդ Բայրոնի անվան թիվ 20 դպրոցի կոտրված արևային համակարգերը։
Ով կամ ովքեր, երբ և ինչ հանգամանքներում են կոտրել դրանք։
«Հայկական ժամանակ»-ի հետ զրույցում դպրոցի տնօրեն Կարինե Մհլամյանն ասաց՝ 2013-ից է աշխատում դպրոցում, տնօրեն է 2019 թվականից, դպրոց մտած օրվանից դրանք այդպես է տեսել։
«Իրականում այդ մարտկոցները շատ կարճ ժամանակ են գործել, ընդամենը 8 ամպեր հոսանք են տվել։ Մասնագետների կարծիքով էլ օգտագործվելու ենթակա չեն։ Արևայինի ծրագիր ունենք, երբ կարողանանք շահել, կօտարենք»,-ասաց տիկին Մհլամյանը։
Դպրոցի բակում նման կոտրված արևային կայանի առկայությունն արդյո՞ք վտանգավոր չէ աշակերտների համար։ Տնօրենն ասաց՝ ոչ, համակարգը դպրոցի հետնաբակում է, ցանկապատով անջատված հիմնական հատվածից։
Արդյո՞ք ժամանակին այս արարքին իրավական գնահատական տրվել է։ Կարինե Մհլամյանն ասաց՝ տեղյակ չէ, գիտի միյն, որ 20 տարի է դրանք չեն գործում։
Ինչո՞ւ հիմա Մհլամյանը որպես տնօրեն ձեռնամուխ չի լինում ջարդուփշուր արված այս համակարգի օտարմանը։ Տնօրենն ասաց՝ խնդի...
