Մարտի 31-ին Արցախում կայացած նախագահական ու խորհրդարանական ընտրություններից հետո «Ազգային վերածնունդ» կուսակցության նախագահ Հայկ Խանումյանը պատասխանել է «Ազատության» հարցերին։
Ներկայացնում ենք հատված հարցազրույցից.
Հայկ Խանումյան.- Նախ ուզում եմ շնորհակալություն հայտնել մեզ քվեարկած ընտրողներին, սա նույնպես մարտահրավեր է մեզ համար: Գիտեք, փողի դերակատարության մասին մենք խոսել ենք նաև քվեարկությունից առաջ, ակնհայտորեն տեսնում ենք, որ փողը ավերածություններ է գործում քաղաքական դաշտում, մասնավորապես հսկայական գումարների տիրապետող կուսակցությունները և թիմերը աջ ու ձախ շտաբների միջոցով, այսպես ասած, օրինականացված ընտրակաշառքի միջոցով ձայներ էին գնում, և բնականաբար դա մեծ ազդեցություն ունեցավ:
Մեր հույսը հասարակության ուժեղ լինելու վրա էր, բայց փորձը ցույց տվեց, որ դեռ շատ պետք է աշխատենք հասարակությունն ուժեղացնելու համար: Հետևաբար ընդունում ենք իրավիճակը` այնպիսին կա, և ելնում ենք այդ իրավիճակից: Իհարկե, արդյունքները մեզ համար անընդունելի են, և իշխանության լեգիտիմությունը նույնպես կասկածի տակ է այս պարագայում:
«Ազատություն».- Երբ խոսում եք «օրինականացված ընտրակաշառքի» մասին, ի՞նչ նկատի ունեք, մանրամասնեք, խնդրում եմ:
Հայկ Խանումյան.- Նկատի ունենք, որ ենթադրենք, ամեն շենքի տակ մի հատ շտաբ են դրել կամ ամեն փոքր գյուղում վերցնում են այդ գյուղի խոշոր ընտանիքների անդամներին, և մեր կառույցները նաև տեղեկություն են տալիս, որ ընտրություններից 1 և 2 օր առաջ համատարած ընտրակաշառքներ են բաժանվել` տնետուն մտնելու ձևով, հատկապես շատ ձայն ունեցող ընտանիքների առումով: Եվ սա նույնպես էական ազդեցություն է ունեցել:
«Ազատություն».- Այսինքն` գումա՞ր է բաժանվել:
Հայկ Խանումյան.- Այո:
«Ազատություն».- Դուք ասում եք` անընդունելի են ընտրությունների արդյունք...
Կարդալ ամբողջովին