Գյուղացիական տնտեսությունները ի զորու չեն լինելու ինքնուրույն ու միայնակ հաղթահարել այս ճգնաժամը․ տնտեսագետ

Տնտեսագետ Կառլեն Խաչատրյանը գրում է․

«Ճանապարհի մի հատվածի փլուզման հետևանքով Վերին Լարսը կրկին փակ է։ Ըստ նախնական գնահատականների՝ այն առնվազն 10 օր, գուցե 2 շաբաթ, փակ է մնալու։ Սա դեպի Ռուսաստան արտահանում իրականացնող կամ Ռուսաստանից ներմուծող տնտեսվարողների համար լրջագույն խնդիր է։ Հատկապես սուր է գյուղմթերքի արտահանման խնդիրը։ Գյուղացին հերթական անգամ հայտնվում է անելանելի վիճակում։ Ծիրանի բերքահավաքի թեժ շրջանում բեռնափոխադրման նման խնդիրը շատ այգեգործների է կանգնեցնելու ֆինանսական խնդիրների առջև։

Սոցիալական ցանցերում տեսա տարբեր նախաձեռնություններ, որով կոչ էին արվում ավելի շատ ծիրան գնել, որոշ օգտատերեր առաջարկում էին որ յուրաքանչյուր ընտանիք 5-6 կգ ծիրան գնի և գյուղացու հոգսը թեթևացնի և այլն։ Գյուղացիները բարձրաձայնում են իրենց խնդիրները, մասնագետները վերլուծություններ են ներկայացնում, քաղաքացիական հասարակության առանձին ներկայացուցիչներ «ֆլեշ մոբ» են իրականացնում, իսկ պատկան մարմինները լուռ են… Եթե յուրաքանչյուր նմանօրինակ իրավիճակում պետք է հասարակությունը ինքնակազմակերպվի, կամավորական կամ այլ եղանակներով փորձ արվի լուծել խնդիրը, իսկ պետական կառույցներն էլ այդ ամենին դիտորդի կարգավիճակով հետևեն, ապա բնական հարց է ...