Արագած գյուղի «Արագած սպորտ կոմպլեքսում» ամեն ինչ արված է միջազգային ամենաբարձր չափանիշներին համապատասխան. այնտեղ մեկ անգամ մտնելուց հետո դառնում ես սպորտի սիրահար. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Այս օրերին մայրաքաղաքից հոսքը դեպի մարզեր շեշտակի աճել է: Դա կապված է ամառվա այս տապին քաղաքացիների կկողմից իրենց հանգիստը Հայաստանի գեղատեսիլ վայրերում անցկացնելու ցանկության հետ:

Մարդիկ հանգստի են մեկնում Սևան, Դիլիջան, Ծաղկաձոր, Ջերմուկ և այլ վայրեր, ու առաջին հերթին՝ հանգստին զուգահեռ, ցանկանում են զբաղվել նաև սպորտով:

Տևական ժամանակ է, Արագածոտնի մարզի Արագած գյուղում գործում է «Արագած սպորտ կոմպլեքսը», որը կարճ ժամանակում, կարելի է ասել, մրցակից է դարձել Հանրապետությունում գործող հայտնի մարզահամալիրներին:

Ֆոտոլրագրող Գագիկ Շամշյանի հետ զրույցում «Արագած սպորտ կոմպլեքս» այցելած՝ Արագած գյուղի բնակիչներն ասում էին. «Այս շենքը դեռ սովետական տարիներին հայտնի գործարան էր: Սովետի փլուզումից հետո՝ բազմաթիվ գործարանների պես, այն նույնպես թալանվեց: Շենքն արդեն աստիճանաբար վերածվում էր աղբանոցի:

Մեր գյուղի հնաբնակներից հայտնի բարերար, երջանկահիշատակ Աղվան Կարապետյանը՝ իր ընկերների հետ ձեռնամուխ եղավ շենքի կապիտալ հիմնանորոգմանը և մինչ այդ որոշել էին, որ Արագած գյուղում՝ առաջին հերթին երիտասարդների համար, ստեղծվի մարզական կենտրոն: Ամիսներ շարունակ Ա. Կարապետյանն ու իր ընկերները՝ տեղաբնակների հետ, կյանքի կոչեցին այն:

Եթե մտնեք ներս, բարևներդ կմոռանաք: Ամեն ինչ արված է, որպեսզի այցելուները գոհ հեռանան: Մարզումների համար ստեղծված են բոլոր պայմանները: Մարզասրահները հագեցած են ամենաորակյալ տրենաժորներով: Մասնագետներն էլ իրենց պատրաստվածությամբ չեն զիջում միջազգային բարձրակարգ մասնագետներին:

Օրինակ, «Արագած սպորտ կոմպլեքսի» լողի ավագ մարզիչ ՀՀ սպորտի վարպետ Նորայր Ղազարյանը...