Շիրակի մարզի 8 համայնք չունեցավ 12-րդ դասարանցիներ, 7 դպրոցում էլ վերջին զանգը հնչեց 1 աշակերտի համար

Վերջին դաս ու վերջին զանգ: 1710 աշակերտ այսօր Շիրակի մարզում հրաժեշտ տվեց դպրոցին ու հայացքն ուղղեց դեպի նոր նպատակակետ:
ՄԻՊ Անահիտ Մանասյանը ևս Գյումրիում էր և Շիրակի մարզպետ Մուշեղ Մուրադյանի հետ նա ևս մասնակցեց թիվ 23 դպրոցի վերջին դասի տոնական միջոցառմանը:

Մարզպետն այսօր հուզված էր կրկնակի՝ որդին էլ է շրջանավարտ:

«Հուզմունքն այսօր շատ մեծ է։ Անչափ կարևոր ընտրության առջև եք կանգնած բոլորդ, խոսքը մասնագիտության ընտրության մասին է, հարկավոր է, որ այն լինի ճիշտ ընտրված և հոգեհարազատ, քանի որ դրանից է կախված ինչպես ձեր, այնպես էլ մեր երկրի ապագան:
Համոզված եմ՝ կդառնաք հայրենիքի համար պիտանի քաղաքացիներ, քանի որ ամուր հայրենիք պետք է ստեղծենք բոլորս միասին մեր անձնվեր ու ամենօրյա աշխատանքով։ Ձեզ բարի երթ սիրելիներս»,-ելույթի իր խոսքում շրջանավարտների դիմեց Մուշեղ Մուրադյանը։

Աշխարհում կա մի հարստություն, որը կարելի է ձեռք բերել և երբևէ չկորցնել՝ գիտելիքն է։ Կրթության շնորհիվ կարելի է հասնել ամեն ինչի։
Շրջանավարտներին այսպես ողջունեց Մարդու իրավունքների պաշտպան Անահիտ Մանասյանը:

«...