Այսօր՝ 2019 թ․ դեկտեմբերի 3-ին, ՀՀ վարչական դատարանի Վանաձորի նստավայրի դատավոր Ա․ Ալավերդյանը մերժեց Վանաձորի 20 գրադարանավարների հայցը՝ Վանաձորի ավագանու 2017 թ. ապրիլի 18-ի թիվ 18-Ա որոշման 1.1 կետը առոչինչ ճանաչելու վերաբերյալ։ Այս մասին տեղեկացրեց ՀՔԱՎ հանրային կապերի բաժինը:
«Վանաձորի Հրանտ Մաթևոսյանի անվան գրադարանների կենտրոնացված համակարգ» ՀՈԱԿ-ը գրադարանավարների հետ աշխատանքային պայմանագրերը լուծել է 2017 թ. հունիսի 26-ին` հիմք ընդունելով նաև Վանաձորի ավագանու՝ 2017թ. ապրիլի 18-ի թիվ 18-Ա որոշման 1.1 կետը: Վանաձորի ավագանին որոշման այդ կետով սահմանել է ՀՈԱԿ-ի հաստիքացուցակը և ըստ դրա՝ հայցվոր գրադարանավարների հաստիքները կրճատվել են:
Գրադարանավարների հայցը 2018թ. դեկտեմբերի 18-ին դատարան էր ներկայացրել նրանց ներկայացուցիչ, ՀՔԱ Վանաձորի գրասենյակի փաստաբան Արայիկ Զալյանը և նշել էր, որ Վանաձորի ավագանու՝ 2017թ. ապրիլի 18-ի նիստը իրավազոր չի եղել, քվորում չի ապահովվել:
Դա հիմնավորել Է ՀՀ Սահմանադրական դատարանի 2017թ. նոյեմբերի 10-ի որոշմամբ, որով Սահմանադրական դատարանը պարտադիր է համարել կոլեգիալ ...
