ԱՄՆ կոնգրեսական․ Ադրբեջանի ԶՈւ-ն պետք է անհապաղ հեռանան ՀՀ տարածքից

31 հուլիսի 2021 - 16:59 AMT

PanARMENIAN.Net - ԱՄՆ կոնգրեսական Քեթրին Քլարկը, անդրադառնալով իրավիճակին հայ-ադրբեջանական սահմանին, հայտարարել է, որ Ադրբեջանի զինված ուժերը պետք է անհապաղ հեռանան հայկական տարածքից։ Այդ մասին նա գրառում է կատարել է Twitter-ի իր միկրոբլոգում։

«Ադրբեջանի զինված ուժերը պետք է անհապաղ դուրս գան Հայաստանի տարածքից և դադարեցնեն բռնությունը, որն արդեն մի քանի մարդու կյանք է խլել։ Հպարտ եմ, որ կողմ եմ քվեարկել կոնգրեսական Ֆրենկ Փալոունի առաջարկած օրենսդրական ուղղմանը, որով սահմանափակվում է ԱՄՆ ռազմական օգնությունն Ադրբեջանին»,-ասվում է գրառման մեջ:

Հուլիսի 28-ին Գեղարքունիքի ուղղությամբ հակառակորդի կողմից սանձազերծված մարտական գործողությունների արդյունքում հայկական կողմից 5 զինծառայող է վիրավորվել, 3 զոհվել...