Պարեկների ուժեղացված ծառայություն Երևանում, Շիրակում և Լոռիում․ Վարդավառի և նախորդած օրերի արդյունքների ամփոփում. ՏԵՍԱՆՅՈՒԹ

Հուլիսի 18-ից 25-ը Երևանի պարեկները, մայրաքաղաքում իրականացրած ծառայության արդյունքում, հայտնաբերել են ճանապարհային երթևեկության կանոնների 2361 խախտում՝ պահպանվող հատուկ տարածք տեղափոխելով 266 մեքենա։ Մասնավորապես, հայտնաբերվել է ոչ սթափ վիճակում մեքենա վարող՝ 188, առանց վարորդական իրավունքի վկայականի՝ 240 անձ։ 49 տրանսպորտային միջոց շահագործվել է հաշվառման համարանիշերը սահմանված տեղում չփակցված, 9-ը՝ ժամկետանց ժամանակավոր համարանիշերով, 9-ը՝ ստանդարտին չհամապատասխանող, 2-ը՝ փակված, 4-ը՝ անընթեռնելի համարանիշերով, 320-ը՝ առանց ԱՊՊԱ պայմանագրի, 1223-ը՝ տեխնիկական զննություն չանցած։ Բացի այդ, Երևանի պարեկները, տարբեր կասկածանքով, բաժիններ բերման են ենթարկել 59 անձի։ Վարդավառի օրվա առթիվ Երևանի պարեկները մայրաքաղաքում ծառայություն են իրականացրել ուժեղացված ռեժիմով։ Եվ պատահական չէ, որ միայն հուլիսի 24-ին հայտնաբերել են 714 խախտում։ Հատկապես ակնառու է ոչ սթափ և առանց վարորդական իրավունքի վկայականի մեքենա վարող անձանց թվերը։ Միայն Վարդավառի օրը Երևանում հայտնաբերվել է ալկոհոլ օգտագործած վիճակում մեքենա վարող՝ 51, առանց վարորդական իրավունքի վկայականի՝ 41 անձ։

Հուլիսի 18-ից 25-ը Շիրակի և Լոռու մարզերի պարեկները հայտնաբերել են ճանապարհային երթևեկության կ...