Ահաբեկչության մեջ մեղադրվող սիրիացները դատապարտվեցին ցմահ ազատազրկման. նրանք կբողոքարկեն դատավճիռը

Սյունիքի մարզի ընդհանուր իրավասության դատարանը դատավոր Նապոլեոն Օհանյանի նախագահությամբ այսօր ցմահ ազատազրկամն դատաարտեց վարձկանության մեջ մեղադրվող, Սիրիայի Արաբական Հանրապետության քաղաքացիներ Մուհռաբ Մուհամմադ ալ-Շխերիին եւ Յուսեֆ Ալաբեդ ալ-Հաջիին:

Ամբաստանյալները մեղավոր ճանաչվեցին ՀՀ քրեական օրենսգրքի 217-րդ հոդվածի 3-րդ մասի 1-ին կետով (ահաբեկչություն, որը կատարվել է կազմակարպված խմբի կողից) 389-րդ հոդվածով (միջազգային ահաբեկչություն), 34-390-րդ հոդվածի 1-ին մասի 1-ին կետով (Միջազգային մարդասիրական իրավունքի նորմերի լուրջ խախտումների փորձը զինված ընդհարումների ժամանակ), 34-390-րդ հոդվածի 3-րդ մասի 1-ին կետով (Միջազգային մարդասիրական իրավունքի նորմերի լուրջ խախտումներ թույլ տալու փորձը՝ քաղաքացիական բնակչության կամ առանձին քաղաքացիական անձանց վրա հարձակումը,) և 395-րդ հոդվածի 3-րդ մասով (Վարձկանի մասնակցությունը զինված ընդհարումներին կամ ռազմական գործողություններին)։ Ամբաստանյալները պատիժը կրելու են Հայաստանի Հանրապետությունում՝ ՀՀ ԱՆ համապատասխան քրեակատարողական հիմնարկում:

Ամբաստանյալների պաշտպան Մուշեղ Վարդանյանը ՀԺ-ի հետ զրույցում ասաց, որ դատավճիռը բողոքարկվելու է Վերաքննիչ քրեական դատարան: ...