Հուլիսին «Հայաստանի պետական հետաքրքրությունների ֆոնդ»-ի (ANIF) և «Էյր Արաբիա»-ի միջև ստորագրված համաձայնագրով ստեղծվել է հայկական ազգային ավիաընկերություն: ANIF-ի տնօրեն Դավիթ Փափազյանն այսօր «Ազատության» «Ֆեյսբուքյան ասուլիսի» շրջանակներում խոսեց նոր ավիաընկերության, տոմսերի արժեքների և այլ մանրամասների մասին` խոստանալով` տոմսերը լինելու են մատչելի: Միաժամանակ նշեց` ուղիղ թռիչք դեպի ԱՄՆ չի նախատեսվում: Նորաբաց ավիափոխադրողի անձնակազմում ցանկություն կա հայերի ներառել:
Ստորև ներկայացնում ենք հատվածներ ասուլիսից.
Ուղիղ թռիչք ԱՄՆ չի պլանավորվումԴավիթ Փափազյանից մի շարք օգտատերեր հետաքրքրվել էին` արդյոք տոմսերը լինելու են մատչելի:
«Հաստատ գները լինելու են զգալի ավելի էժան, քան մինչև այս ազգային կոչվող ընկերությունները հնարավորություններ են ունեցել առաջարկել», - ասաց նա` հավելելով` ազգային ավիափոխադրողը ևս եկամուտ է հետապնդելու:
«Մեծ, հզոր էֆեկտիվությամբ գործընկեր ձեռք բերելով` հնարավորություն ենք ունենում եղած իմիջը բարձրացնելու ապագա մի քանի տարիների ընթացքում», - ասաց Փափազյանը:
Ի պատասխան մեկ այլ հարցի` նա տեղեկացրեց. «Շատ հեռու է Միացյալ Նահանգները, առաջին հինգ տարվա ընթացքում ուղիղ թռիչք չենք պլանավորում»:
Ավիավառելիքի գնի մասին«Ավիավառելիքի գների մակարդակը ուղղակիորեն կախված է մեր շահութաբերության հետ, համեմատած շատ ուրիշ երկրների հետ, որտեղից ինֆորմացիա ունենք, թե ինչ արժե ավիակերասինը, Հայաստանի գինը բարձր է, բայց մեր դեպքում այս էտապում դա հաշվարկված է բիզնես պլանի մեջ», - ասաց Հայաստանի պետական հետաքրքրությունների ֆոնդ»-ի տնօրենը: Նա համոզված է` այդ գներով կարողանալու են ունենալ եկամտաբեր բիզնես և տոմսերի գները պահել ցածր:
Օրենքի ուսումնասիրություն արել ենՄեկ այլ հարցին, թե Հայաստանի ավիացիայի մասին օրենքը թույլատրո՞ւմ է, որ տեղական ավիափոխադրողի 51 տոկոս կառավարումը տրվի օտարերկրյա փոխադրողին:
«Տրամաբանական կլինի մտածել, որ օրենքի ուսումնասիրություն թե մենք, թե մեր գործընկերը կատարել ենք, բոլոր նորմերը համապատասխանել են գործող օրենքին, և հայկական կողմը, այսինքն` այն, որ օրենքը տեսնում է որպես հայկական, ունենալու է փաթեթի մեծամասնություն, այսպես է ստացվում, որ «Էյր Արաբիայի» ինչ-որ մի մաս կրում է հայկական տարր, և «Էյր Արաբիա գրուպն» ունենում է 50 տոկոսից մի քիչ ավելի, բայց այն հայկական տարրը, որ իր մեջ պարունակում է, թույլ է տալիս օրենքի սահմաններում ավիաընկերությանը համարվել հայկական:
Խոսքը բաժնետիրոջ մասին է», - ի պատասխան` պարզաբանեց Դավիթ Փափազյանը:
Ֆորսմաժորների դ...
