The Sunday Times-ին տված հարցազրույցում Սիրիայի նախագահ Բաշար Ասադը հայտարարել է, որ Մոսկվան աջակցում է իրեն եւ չի ուզում, որ նա դառնա խամաճիկ նախագահ: Ասադը հայտարարել է, որ չնայած Կրեմլը աջակցում է, բայց Հալեպի ռմբահարումների մասին որոշումը Սիրիայի կառավարությունը կայացնում է ինքնուրույն: «Ռուսաստանի իշխանություններն ասում են՝ սա ձեր երկիրն է, և դուք ավելի լավ գիտեք, թե ինչ է պետք անել: Նրանք մեր գործերին չեն միջամտում, քանի որ նրանց մեզնից ոչինչ պետք չէ: Նրանք չեն ուզում, որ ես լինեմ խամաճիկ նախագահ», հայտարարել է Ասադը: Սիրիայի նախագահ Ասադի այդ հայտարարությունը միանգամայն ծիծաղելի կհնչեր ՌԴ նախագահի մամուլի քարտուղար Դմիտրի Պեսկովի հայտարարության ֆոնին, եթե խոսքը չվերաբերեր մարդկային կյանքերի հսկայական կորուստների եւ դժբախտության բերած զարգացումներին: ՌԴ նախագահի մամուլի քարտուղար Պեսկովը նոյեմբերի 7-ին հայտարարել է, որ Ռուսաստանի ռազմա-տիեզերական զորքը Հալեպի ռմբահարումները դադարեցնելու ռեժիմը պահպանելու է այնքան, քանի դեռ անձամբ նախագահ Պուտինը դա նպատակահարմար կգտնի: Պեսկովը հայտարարել է, որ Պուտինը նպատակահարմար է գտել, որ Ռուսաստանի ռազմա-տիեզերական ուժերը դադարեցնեն Արեւելյան Հալեպի ռմբակոծումը, եւ եթե ահաբեկիչները չանցնեն ակտիվ գրոհների, այդ դադարը կպահպանվի: Այդպիսով, Ասադը հայտարարում է, որ Հալեպի ռմբահարման որոշում կայացնում է Սիրիայի կառավարությունը, այսինքն ինքը, իսկ Պուտինի խոսնակը հայտարարում է, որ Հալեպի ռմբահարումը դադարեցնելը կամ վերսկսելը անձամբ Պուտինի որոշման հարցն է: Պեսկովը, համենայն դեպս ըստ ռուսական գործակալությունների տարածած տեղեկատվության, որեւէ բան չի ասում այն մասին, որ Պուտինն այդ որոշումը համաձայնեցնում է Սիրիայի նախագահ Ասադի հետ: Այդպիսով, հարց է առաջանում` ո՞վ է որոշում ռմբակ...
Կարդալ ամբողջովին