Շիրակի մարզի Լուսակերտ գյուղում տեղադրվեց 44-օրյա պատերազմում նահատակված հերոս Տիգրանի հիշատակին նվիրված խաչքար. ՖՈՏՈՌԵՊՈՐՏԱԺ

Շիրակի մարզի Լուսակերտ գյուղում Հայրենական Մեծ պատերազմի հուշարձանի կողքին տեղադրվեց 44-օրյա պատերազմում նահատակված հերոս Տիգրան Ֆահրադի Մկրտչյանի հիշատակին նվիրված խաչքար:

Տիգրանի ընկերների կողմից կազմակերպված՝ Խաչքարի բացմանը ներկա էին Լուսակերտ համայնքի ղեկավար Սամվել Բալաբեկյանը, գյուղի միջնակարգ դպրոցի կոլեկտիվը՝ դպրոցի տնօրեն Աշոտ Գալստյանի գլխավորությամբ, հոգևորականներ, մտերիմներ, հարազատներ, գյուղի բնակիչներ: Այնուհետև գյուղի դպրոցում, որտեղ սովորել էր Տիգրանը, տեղի ունեցավ մոմավառություն՝ ի հիշատակ նահատակված հերոսի, որը կազմակերպել էր Տիգրանի դասղեկը՝ Լ. Առաքելյանը:

Տ. Մկրտչյանը ծնվել է 1995 թ.-ի օգոստոսի 10-ին Շիրակի մարզի Լուսակերտ գյուղում: 2013թ.-ին ավարտել է նույն գյուղի միջնակարգ դպրոցը և դեկտեմբեր ամսին զորակոչվել բանակ: Առաջին 6 ամիսը վերապատրաստվել է Լուսակերտի հրետանային զորամասում որպես հակատանկային հաշվարկի հրամանատար, որտեղ ուսումնական գրոծընթացն ավարտելուց հետո ստացել է սերժանտի որակավորում և հետագա ծառայությունը շարունակել է Վայքի զորամասում:

2015թ.-ին վերջացնելով ժամկետային ծառայությունը, վերադարձել է տուն: Զբաղվել է շինարարությամբ, ուներ շինարարի լավ պոտենցիալ:

Պայմանագրային ծառայություն է իրականցրել Արթիկի, հետո Արարատի զորամասերում, իրեն դրսևորելով լավագույն կո...