Հպարտ ենք, որ նման հերոս համագյուղացի ունենք. Ապագայում տեղի ունեցավ զոհված կապիտանի հոգեհանգիստը

Արմավիրի մարզի Ապագա գյուղում ապրիլի 4-ին, տեղի ունեցավ ադրբեջանական ագրեսիան ետ մղելիս զոհված ԻՍՎ հրամանատար, կապիտան, 28-ամյա Հովսեփ Կիրակոսյանի հոգեհանգիստը: Հոգեհանգստի արարողությանը ներկա էին ԶՈՒ բարձրաստիճան սպաներ, ՀՀ արտակարգ իրավիճակների նախարար Արմեն Երիցյանը, Արմավիրի մարզպետ Աշոտ Ղահրամանյանը եւ այլ բարձրաստիճան պաշտոնյաներ: Լրագրողների հետ զրույցում Աշոտ Ղահրամանյանը նշեց, որ Հովսեփ Կիրակոսյանը հայրենիքի հանդեպ իր պարտքը կատարելիս է զոհվել, նա հերոս է եւ հայ ազգը նրան հավերժ կհիշի հպարտությամբ: «Նա հերոս է, իր կյանքը տվել է հանուն հայրենիքի, Հովսեփի նման հերոս ունենալով միայն հպարտանալ կարելի է: Նրա ծնողները առյուծ են մեծացրել եւ այսօր էլ շատ լավ գիտակցում են, որ իրենց հերոս զավակ...