Քեզ բացակա չենք դնի. 44-օրյա պատերազմի ժամանակ Շուշիում մղվող մարտերին Խչոն ապացուցեց, որ Հայրենիքը սկսվում է սահմանից ու իր հիշատակին տեղադրված խաչքարի վայրը դառնալու է սրբատեղի. ՖՈՏՈՌԵՊՈՐՏԱԺ

Այսօր՝ հուլիսի 31-ին, Երևանում՝ Մալաթիա-Սեբաստիա վարչական շրջանում, Բ-2 թաղամասի թիվ 95 շենքի բակում բացվեց Արցախյան 44-օրյա պատերազմում նահատակված Խաչատուր Տոնյանի՝ ժողովրդի կողմից սիրված Խչոյի հիշատակին նվիրված խաչքար:

Ինչպես հայտնում է ֆոտոլրագրող Գագիկ Շամշյանը, բացմանը ներկա էին հերոսի հարազատները, ընկերները, այդ թվում՝ զինակից, ովքեր ասում էին. «Մենք Խչոյին ու նրա պես հերոսացած տղերքին բացակա չենք դնի»:

Խաչքարը օծվեց հոգևորականի կողմից, որից հետո ելույթով հանդես եկան նրա զինակից ընկերները:

Խաչքարը տեղադրվել է հերոսի հարազատների և ընկերների կողմից:

Խաչքարի բացումից հետո ներկաները ուղևորվեցին «Եռաբլուր» զինվորական պանթեոն, հարգանքի տուրք մատուցելու Խչոյի շիրիմին:

Խաչատուր Տոնյանը ծնվել է 1994թ.՝ Երևանում։

Սովորել է Գալուստ Գյուլբենկյանի անվան թիվ 190 միջն. դպրոցում, այնուհետև ընդունվել է Բերկուտ թիկնապահական քոլեջ։

Ավարտելով քոլեջը 2012-2014թթ. ծառայության է անցել Արցախում՝ հատուկ հետախուզական գումարտակում, որպես հետախույզ։

Հայրենիքը պաշտպանելու պատրաս...