Թե ինչ կապ կարող էր ունենալ Ադրբեջանի հարցերով փորձագետ Անժելա Էլիբեգովան, արդեն հայտնի դարձած «ֆեյքի» հետ, նա պատասխանել է «Politik.am»-ին։
«Ինձ թվում է առողջ բանականություն ունեցող ցանկացած մարդ հասկանում է, որ որևէ կապ այդ «ֆեյքի» կամ ռեալ օգտատիրոջ հետ ունենալ չեմ կարող, դա բացառված է։ Բայց ես ոնց հասկացա, հավաքում են բոլոր մասնագետներին, որոնք զբաղվում են ադրբեջանական թեմատիկայով և հետպատերազմյան ժամանակաշրջանում փորձում էին հավաքել, վերլուծել տեղեկատվությունը՝ Ադրբեջանի գործած հանցանքների և քարոզչության մասին։
...