Դեպի վեր

Դավիթ Մանոյան. «Աթոռը գցելը եւ մազերը քաշելն իմ իմպրովիզացիան էին»

bravo.am08/15/2022, 1:48

Դավիթ Մանոյան. «Աթոռը գցելը եւ մազերը քաշելն իմ իմպրովիզացիան էին»

«Արարատ» ֆուտբոլային ակումբի կիսապաշտպան Դավիթ Մանոյանն ուժերն է փորձում նաեւ որպես մոդել՝ նկարահանվում է հագուստի գովազդում ու տեսահոլովակներում: Նրա մասնակցությամբ վերջին աշխատանքն Իվետա Մուկուչյանի «Սիրտ» տեսահոլովակն է, որում կրքոտ ու գայթակղիչ կերպարում է:

Սա Մանոյանի արդեն 2-րդ տեսահոլովակն է, մինչ այդ նա 2021 թվականին համագործակցել է Կարեն Բոքսյանի հետ:



Bravo.am-ի հետ զրույցում ֆուտբոլիստը պատմել է «Սրտի» արագ ու հեշտ ստացված նկարահանումների, կնոջ հետ խորհրդակցելու, իր իմպրովիզների ու Մուկուչյանի հետ ընկերանալու մասին:

- Դավիթ, ինչպե՞ս ստացար նկարահանվելու առաջարկն ու համաձայնությունդ տվեցիր:

- Արձակուրդում էի, երբ քասթինգ ստուդիայից զանգահարեցին ու տեղեկացրին, որ ցանկանում են Իվետա Մուկուչյանի տեսահոլովակի գլխավոր հերոսը լինեմ: Փորձել էին ինձ հետ կապ հաստատել, բայց անհասանելի էի եղել, քանի որ երկրում չէի: Վերադարձա, ու ամեն ինչ հասցրինք. ակումբս դեռ մարզումներ չուներ, եւ 2 օրում տեսահոլովակի նկարահանումներն ավարտեցինք: Մինչ այդ ինձ սյուժեն մոտավորապես ներկայացրել էին, ու ամեն ինչ նաեւ կնոջս հետ եմ քննարկել (ծիծաղում է,-հեղ.):

- Այդ մասին էի նաեւ ուզում հարցնել. տեսահոլովակն իր բնույթով էրոտիկ է, կինդ ինչպե՞ս արձագանքեց:

- Դե, պատմեցի սյուժեի մասին այն ամենն, ինչ գիտեի, ու թե ինչ է սպասվում, բայց որ ճիշտն ասեմ՝ վերջնական արդյունքը նույնիսկ ես չէի սպասում, որ այդպիսին կլինի: Այնպես չէ, որ երկու ձեռքով կողմ էր, բայց ոչինչ էլ չասաց: Մենք միմյանց չվստահելու խնդիր չունենք:

5


- Իսկ նկարահանումներն ինչպե՞ս են անցել ու քեզ ո՞նց էիր զգում կրքոտ տղայի կարգավիճակում:

- Ամեն ինչ բավական լավ էր: Ռեժիսորի հետ վաղուց էինք ծանոթ, միասին մի քանի գովազդային հոլովակներ ենք նկարահանել: Արդեն փորձ ունեմ ու դժվարություն չեմ ունեցել, երեւի Իվետայից էլ էր, որ հեշտ ստացվեց. շատ անմիջական է: Մինչ այդ իրար չէինք ճանաչում, բայց ընդհանրապես որեւէ խնդիր չառաջացավ: Առաջին օրը լողավազանի կադրերը նկարեցինք, հետո արդեն՝ սենյակի: Ամեն ինչ հեշտ ու արագ ստացվեց, իրենք իմ աշխատանքից գոհ էին:

- Իսկ երբ պատրաստի տարբերակը նայեցիր, հավանե՞լ էիր քեզ կադրում:

- Հիմնականում՝ այո: Եղանակային պայմաններն էին մի քիչ խանգարել նկարահանվելիս, մի պահ անձրեւ եկավ, հետո ուժեղ արեւ էր, բայց վերջնական արդյունքը նորմալ է ստացվել, ես էլ վատ չեմ նայվում:

- Ի՞նչ կարծիքներ են ասել ընկերներդ ու թիմակիցներդ:

- Պարզ է՝ կատակներ ու հումորներ էլ են արել (ծիծաղում է,-հեղ.), բայց ընդհանուր բոլորը լավ են գնահատել աշխատանքը: Իսկ վատ կարծիքներին ուշադրություն չեմ դարձնում:

5


- Տեսահոլովակի վերջնական տարբերակից հետո Իվետայի հետ խոսե՞լ եք կամ որեւէ բան քննարկել:

- Միշտ կապի մեջ ենք եղել, նա էլ գոհ է, որ ամեն ինչ լավ ու իր ուզածի պես է ստացվել: Մոնտաժման ընթացքում էլ ինձ մշտապես տեղյակ են պահել աշխատանքից, կային կադրեր, որ ինձնից չպետք է օգտագործեին, բայց վերջնական տարբերակում տեղ են գտել: Աշխատանքային ընթացք է ու նորմալ է, որ նման փոփոխություններ են լինում: Թեեւ մոտավոր գիտեինք՝ ինչ է լինելու, բայց վերջնական տեսքը ոչ մեկս էլ չէր պատկերացնում ու չէինք սպասում, որ հանրության շրջանում այդքան կքննարկվի: Չեմ կարծում, որ չափը շատ ենք անցել. ամեն ինչ ճաշակով է արված:

- Սպասո՞ւմ էիր, որ այդքան կարճ ժամանակում տեսահոլովակը 1,4 մլն-ից ավելի դիտումներ կունենա:

- Պատկերացնում էի, որ շատ կդիտեն, բայց չէի սպասի, որ մի ամսում նման ցուցանիշ կգրանցվի: Գիտեի, որ Իվետայի լսարանը մեծ է ու իրեն շատ են լսում:

- Իսկ դու մինչ համատեղ աշխատանքը Մուկուչյանի երգացանկին ծանո՞թ էիր:

- Իհարկե, ծանոթ էի: Չեմ ասի, թե շատ մեծ երկրպագու եմ եղել, բայց մի քանի երգեր լսել եմ, անձամբ էլ չեմ ճանաչել, բայց ընդհանուր ընկերներ ունեինք: Տեսահոլովակից հետո արդեն ընկերություն ենք անում: Իվետան շատ անմիջական ու ընկերական է, իրոք, միասին շատ հեշտ ենք աշխատել ու ընդհանուր լեզու գտել, ընդհանրապես չեմ կաշկանդվել: Կարծիքներ եմ լսել, որ ես շատ կաշկանդված եմ տեսահոլովակում, ուղղակի սցենարով է այդպես, որ տեղի ունեցողն իմ երեւակայության արդյունքն է, դրա համար էլ հենց նա է ավելի ակտիվ ու ինքն է ամեն ինչ անում: Չնայած՝ մի պահ ասացի, որ շատ եմ պասիվ ու պետք է որեւէ գործողություն անել, արդյունքում աթոռը գցելը եւ մազերը քաշելն իմ իմպրովիզացիան էին, չէի ուզում անընդհատ նստած լինել:

View this post on Instagram

A post shared by Iveta Mukuchyan (@iveta.mukuchyan)



...

Կարդալ ամբողջովին

Եղանակ

Ջերմ {{currentData.temp}}℃
Քամի {{currentData.wind}}կմ/ժ
Խոնավ {{currentData.humidity}}
  • Երեւան
  • Աբովյան
  • Ծաղկաձոր
  • Սեւան
  • Գյումրի
  • Էջմիածին
  • Դիլիջան
  • Վանաձոր
  • Աշտարակ
7 օրվա տեսություն

Փոխարժեքներ

ԱռքՎաճառք
USD390396
EUR417429
RUR4.184.38
ավելին
Արդեն հասանելի է
Դեպի վեր