Վրաստանի նախկին նախագահ Միխեիլ Սաակաշվիլին ընդդիմադիր «Միացյալ ազգային շարժում» կուսակցության առաջնորդ Նիկա Մելիայի ձերբակալությունից հետո խոստացել է օժանդակել, որպեսզի ընդդիմությունը հաղթանակ տանի իշխանությունների հետ դիմակայությունում: «Գազետա ռու»-ի փոխանցմամբ, այդ մասին նա ասել է իր ֆեյսբուքյան էջում տեղադրված տեսաուղերձում:
Սաակաշվիլին շեշտել է, որ անհրաժեշտ է դիմել պայքարի քաղաքական բոլոր մեթոդներին:
«Մենք պետք է սովորենք պաշտպանել ինքներս մեզ և հասարակությունը: Մենք մեր պայքարը միանշանակ պետք է տանենք դեպի հաղթանակ և ես դրանում լիովին համոզված եմ»,- ասել է քաղաքական գործիչը:
...
