Խոշոր ավտովթար Արագածոտնի մարզում․ մոտ 12 տոննա ցորենով բարձված MAZ-ը բախվել է Mercedes-ին, 2 կմ առաջ է ընթացել և կողաշրջվել. կա վիրավոր. ողջ ճանապարհը լցված է ցորենով․ ՖՈՏՈՌԵՊՈՐՏԱԺ

Այսօր՝ դեկտեմբերի 28-ին, խոշոր ավտովթար է տեղի ունեցել Արագածոտնի մարզում։ Ժամը 08։50-ի սահմաններում Աշտարակ-Ապարան ավտոճանապարհի 2-րդ կմ հատվածում ցորենով բարձված MAZ մակնիշի բեռնատարը բախվել է Արագածոտնի մարզի բնակիչ 23-ամյա Զավեն Ադամյանի վարած Mercedes մակնիշի ավտոմեքենային և մոտ 2 կմ առաջ ընթանալով, կողաշրջվել ու բախվել է կամրջի երկաթե սյանը։



Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով MAZ-ի վարորդը, ում առաջինն օգնության են հասել քաղաքացիները, մարմնական վնասվածքներով՝ օպերատիվորեն ժամանած «Աշտարակ» բժշկական կենտրոնի բժիշկների կողմից նած տեղում առաջին բուժօգնությունն է ստացել, ապա տեղափոխվել «Աշտարակ» բժշկական կենտրոն։

Օպերատիվորեն ժամանել են ԱԻՆ ՓԾ Աշտարակի թիվ 19 հրշեջ-փրկարարական ջոկատի թիվ 4-րդ խումբը։

Հրշեջ-փրկարարները հոսանքազրկել են ավտոմեքենաները, դադարեցրել են դիզվառելիքի արտահոսքը և սահմանազատել տարածքը։

Օպերատիվորեն ժամանել են Ճանապարհային ոստիկանության 2-րդ սպայական գումարտակի Արագածոտնի մարզն սպասարկող սպայական դասակի ծառայողները՝ դասակի հրամանատար Գարիկ Սարգսյանի գլխավորությամբ։

Տեղում ուժեղացված ծառայություն են կատարում նույն վաշտի տեսուչներ Էդգար Մելքոնյանը, Իսահակ Դարբինյանը, Էդգար Հովհաննիսյանը։

Կողաշրջվելու հետևանքով ցորենը, որ...