Հայլի Բիբերը Call Her Daddy փոդքաստի եթերում առաջին անգամ խոսել է այն մասին, որ իբր թե Ջասթին Բիբերն իր պատճառով է բաժանվել Սելենա Գոմեսից: Ջասթինը սկսել է Հայլիի հետ հանդիպել Գոմեսի հետ սիրավեպի ավարտից ընդամենը մի քանի ամիս անց: Դրան իր երգերից մեկում անդրադարձել է նաեւ Սելենան, ինչի արդյունքում նրա երկրպագուները սոցցանցերում պարզապես «որս են սկսել» Հայլիի դեմ:
Նա հայտնել է, որ այդ ամենն իրականությանը չի համապատասխանում, քանի որ Ջասթինի հետ սկսել են հանդիպել այն բանից հետո, երբ նա 2018-ին արդեն բաժանված է եղել Սելենայից:
Հայլին ու Ջասթինը սիրավեպ են ունեցել դեռ 2016-ին, իսկ 2 տարի անց վերամիավորվել են, կարճ ժամանակ անց էլ ամուսնացել:
«Երբ մենք հանդիպում էինք, նա ոչ մի ընկերուհի էլ չուներ: Իմ սկզբունքներին դեմ է փչացնել որեւէ մեկի հարաբերությունները, ինձ լավ են դաստիարակել:
Հասկանում եմ, թե այդ ամենը կողքից ինչպես է նայվում: Բայց ես հաստատ գիտեմ, որ Ջասթինն ու Սելենան այդ ժամանակ էլ զույգ չէին: Իհարկե, նրանց միջեւ ամեն ինչ բարդ էր: Իմ հասցեինք շատ ատելություն է թափվում, քանի որ մարդիկ դեռ կարծում են, որ ես եմ եղել բաժանման պատճառը: Այդ ամենն ինձ իսկապես շշմեցնում է: Մինչեւ հիմա էլ այդ ամենը չի դադարել: Եթե ուղիղ եթեր դուրս գամ, նորից կշարունակեն այդ թեմայով մեկնաբանություններ գրել»,- ընդգծել է նա:
Ջասթին Բիբերն ու Սելենա Գոմեսը հանդիպել են բ...