Վիճակագրական կոմիտեի՝ «Սպառողական գների ինդեքսը 2019 թ․-ի հունվար-մայիսին» հրապարակման մեջ արձանագրվել է, որ գնաճը նախոդ տարվա նույն ժամնակահատվածի համեմատ կազմել է 2,8 տոկոս: ԿԲ նախագահի լավատեսությունը, թե գնաճը շուկայում թույլատրելիի սահմաններում է,իրավիճակը չի փրկում:
Սննդամթերքը եւ ոչ ալկոհոլային խմիքչները էապես թանկացել են՝ 5,3 տոկոսով, ծխախոտը եւ ալկոհոլային խմիչքները՝ 4,5 տոկոսով։
Կտրուկ գնաճ է գրանցվել բանջարեղենի ապրանքախմբում՝ 22 տոկոս նախորդ տարվա մայիսի համեմատ։ Մրգի գնաճը 3,2 տոկոս է։ Կաթնամթերք, պանիր եւ ձու ապրանքախմբում գներն աճել են 3,5 տոկոսով:
Ռեկորդ է սահմանել ձվի արժեքը. անցյալ տարվա մայիսի համեմատ 26,9 տոկոս։ Մսամթերքի գնաճը կազմել է 2,4 տոկոս։
Մասնագետները նկատում են, որ անցյալ տարվա գարնանը մսի ավելացված արժեքի հարկի դաշտ անցնելու պահանջը կտրուկ թանկացրեց միսը, ինչը հարվածեց գնորդի գրպանին եւ տեղական արտադրողին՝ հնարավորություններ ստեղծելով դրսից՝ հատկապես բելառուսական արտադրանքի հայկական շուկայում ամրապնդվելու համար:
Արդյունքում պաշտոնական վիճակագրությամբ ա...