«Արմեն Չարչյանի համարյա բոլոր օրգանները ախտահարված են, դրանք ծանր ախտահարումներ են». Բժիշկները դատախազության դիմաց բողոքի ակցիա են իրականացնում

ՀՀ գլխավոր դատախազության դիմաց բժիշկները բողոքի ակցիա են իրակացնում՝ ի պաշտպանություն պրաֆեսոր, ԱԺ «Հայաստան» խմբակցության պատգամավոր Արմեն Չարչյանի։

«Հավաքվել ենք մեր մտահոգությունը հայտնելու ՀՀ քաղաքացու առողջական վիճակի վատթարացման մասին։ Քաղաքացու, ով արդեն ուներ ծանր հիվանդություն և անազատության մեջ մնալու պայմաններում խորացել է այդ հիվանդությունը, բազմաթիվ բարդություններ են ի հայտ եկել։ Արմեն Չարչյանն ունի ինսուլինակախյալ շաքարային դիաբետ հիվանդություն։ Սա շատ ծանր, բայց կառավարելի ախտաբանություն է։ Չարչյանի համարյա բոլոր օրգանները ախտահարված են, դրանք ծանր ախտահարումներ են։ Այսօր իմացա, որ նաև աչքն է ախտաբանական գործընթացի մեջ մտել», – լրագրողների հետ զրույցում ասաց բողոքի ակցիա իրականացնող բժիշկ Սամվել Սահակյանը։ Նրա խոսքով՝ կա կառավարության համապատասխան որոշմամբ հիվանդությունների ցանկ, որոնք անհամատեղելի են քաղաքացու կալանքին կամ պատիժ կրելուն։ Բժիշկն ասաց՝ արդեն այդ ցանկից 4 հոդվածի է համապատասխանում Արմեն Չարչյանի առողջական վիճակի բարդացումները, սակայն չկանխարգելելու դեպքում այն կարող է կրկնապատկվել։ «Մենք ոչ մի քաղաքական միտք չենք հնչեցնելու, քրեաիրավական վերլուծություններ ...