Քաղաքական գործիչ Գարեգին Միսկարյանի կարծիքով՝ Արցախի պետնախարար Ռուբեն Վարդանյանի վարած ներկայիս քաղաքականությունը վատ չէ և ոչ էլ դա է պատճառը ԼՂ ներքաղաքական խառնաշփոթի: Ըստ նրա՝ Արցախի քաղաքական կյանքը վարում է ոչ միայն Վարդանյանը:
«Արցախում բոլորն էլ ինչ-որ չափով իրենց գործողությունները կապում են նաև Ռուսաստանի հետ և վարում ՌԴ-ի կամքից կամ շահերից բխող քաղաքականություն, ինչն էլ շատ վատ է՝ իմ գնահատմամբ: Սրանում միայն Ռուբեն Վարդանյանի մեղավորությունը չէ. խնդիրը շատ ավելի խորքային արմատներ ունի»,- «Հայկական ժամանակ»-ի հետ զրույցում ասում է նա:
Վերջինսի դիտարկմամբ՝ ցավալի է, բայց փաստ՝ առկա խնդիրների համար պատրաստի դեղատոմս ու լուծում չկա: «Խնդիրն այն է, որ Արցախի հիմնախնդիրն ստեղծվել է Կովկասում Ռուսաստանի ազդեցությունն ապահովելու համար, ու դա մինչև հիմա շարունակում է ծառայել այդ նպատակին: Սա հավանաբար հնարավոր կլինի լուծել ինքնորոշման ճանապարհով»,- կարծում է նա:
Միսկարյանի խոսքով՝ դժվար է ասել՝ արդյոք Վարդանյանը ֆեյսբուքյան ուղիղ եթերների ժամանակ պետական գաղտնիք հայտնե՞լ է, թե՞ ոչ, ինչպես պնդում են Արցախի նախկին պաշտոնյաները. «Ինձ առհասարակ քիչ է հետաքրքրում Ռուբեն Վարդանյանը: Իր ուղիղ եթերն էլ չեմ տեսել: Գնահատականներ այս մասով չեմ կարող տալ»:
Միսկարյանը, անդրադառնալով նաև Արցախի որոշ պաշտոնյաների պաշտոնանկ արվելու հանգամանքին, ասում է՝ Հայաստանի խնդիրներն այնքան շատ են, որ այդ հարցը մնում է արցախահայերի որոշման տիրույթում:
«Այս մասով պատասխանատվություն կրում են արցախցիները և խնդիրը վերցնում իրենց իրավասության տակ: Սույն պաշտոնյաների վարած քաղաքականությանը, գործերին ու ծրագրերին ծանոթ չեմ: Առհասարակ, դժվար է որևէ գնահատական տալ Արցախում տեղի ունեցող իրադարձություններին, պաշտոնանկություններին ու նշանակումներին»,- ասում է նա:
Հարցին՝ ի՞նչ քայլեր պետք է ձեռնարկվեն Արցախի հարցի կարգավորման ուղղությամբ, արդյոք կարիք չկա՞ ԵՄ դիտորդների տեղակայմանը միջանցքում՝ հաշվի առնելով նաև այն, որ Հայաստանն ասում է՝ միջանցքը փակ է, իսկ Ադրբեջանը հակառակն է պնդում, զրուցակիցն ասում է՝ պետք է օգտագործել բոլոր հնարավոր միջոցները՝ խնդրի կարգավորման համար:
«Միջանցքի բացման համար կարևոր և խիստ անհրաժեշտ է հնարավոր բոլոր միջոցների կիրառումն ու միաժամանակ միջազգային հանրության արձագանքն ու ճնշումը: Կամ էլ դա պետք է լինի Ռուսաստանի բարի...
