2015 թվականի սեպտեմբերի 21-ին Երևան-Աբովյան ճանապարհին տեղի ունեցած վրաերթը, ինչի հետեւանքով մահացել էր 76-ամյա մի քաղաքացի, բացահայտվել է:
Ըստ հաղորդագրության, 5 տարի առաջ ոստիկանության Քանաքեռ-Զեյթունի բաժին ահազանգ էր ստացվել, որ կոտրվածքներով ու պատռված վերքերով իրենց մոտ 76-ամյա մի տղամարդ է տեղափոխվել: Ոստիկանները մեկնել էին հիվանդանոց: Սակայն տուժողը թաքցրել էր դեպքի իրական հանգամանքները, հայտնել էր, իբր վնասվածքը ստացել է իր անզգուշության հետևանքով, Երևան-Աբովյան ճանապարհին, ավտոկայանի մոտ ընկնելիս: Դեպքի հաջորդ օրը տղամարդը մահացել էր: Լայնածավալ հետախուզական միջոցառումների արդյունքում ձեռք բերված տեղեկությունների և դատաբժշկական փորձաքննության եզրակացության համադրությամբ իրավապահները պարզել էին, որ սեպտեմբերի 21-ին, ժամը 21-ի սահմաններում, Երևան-Աբովյան ճանապարհին, տուժողը վնասվածքը ստացել է վրաերթի հետևանքով: Աբովյանի քննչական բաժնում հարուցվել էր քրեական գործ: Անհայտ վարորդի ինքնությունը պարզելու, նրան և մեքենան հայտնաբերելու ուղղությամբ, իրավապահները տարաբնույթ միջոցառումներ էին ձեռնարկել: 2016 թվականի հունիսի ...
