Ամիսներ առաջ «Իրավունքի և հոգեբանության ակադեմիայի» նախագահ Խաչիկ Մարոզյանն ազդարարեց նոր կուսակցության գործունեությունը քաղաքական դաշտում։ Սակայն նոր-նոր ստեղծված «Արդարություն և բարգավաճում» կուսակցության մասին լսեցինք միայն ստեղծվելիս։ Ինչո՞վ է զբաղվում կուսակցությունը, ինչո՞ւ չմասնակցեցին խորհրդարանական ընտրություններին, ինչպես հայտարարում էին, այս և այլ թեմաների շուրջ զրուցեցինք կուսակցության հիմնադիր Խաչիկ Մարոզյանի հետ։
-Պարոն Մարոզյան, ինչո՞ւ չմասնակցեցիք խորհրդարանական ընտրություններին, միգուցե կա՞ մի քաղաքական ուժ, որին սատարում եք։
-Ես չեմ սատարում ոչ մեկին առայժմ։ Մեր կուսակցությունը քանի որ ոչ մի բան չէր հասցրել անել, հանրությանն այդքան էլ ծանոթ չէր, իսկ ես միշտ դեմ եմ եղել անձ-կուսակցությանը, դրա համար հարմար գտանք չմասնակցել։ Իսկ ինչ վերաբերում է մեր դիրքորոշմանը, այս պահին որպեսզի ճիշտ, արդար, բառիս բուն իմաստով ընտրություններ անցկացվի, և էմոցիաները մարդկային, ամբիցիաները չկարողանան վերևներից զսպել, ներքևից էլ հանրային պահանջի ուղղությամբ քիչ է տարվում աշխատանքները, որպեսզի աճեցվի ներքևից այնպիսի հանրային պահանջ, քաղաքացիական ակտիվություն, ինչ-որ մենք սկզբից ասում էինք․․․ այսօր դրա ականատեսը, ցավոք սրտի, չդարձանք։ Բայց մենք հայտարարություն կանենք դեռ, որոշում ենք դեռ, մտածում ենք ինչպիսի հայտարարություն անել, այս մի քանի օրվա ընթացքում տեսնենք ինչ խտացումներ կլինեն։
-Այնուամենայնիվ, կա՞ մի քաղաքական ուժ, որին շուրջ գոնե քննարկումներ են գնում։
-Կան որոշակի տարաձայնություններ ճիշտն ասած մեր հիմնադիրների մեջ, դրա համար այս պահին ես ինքս իմ անունից, հաշվի առնելով այլոց կարծիքը, ձեռնպահ եմ մնում։ Բայց այն որ ընդհանուր է բոլորիս մոտեցումն իմ ասածի շուրջ, դա միանշանակ է, որ փորձեցինք մենք, ունենալով նաև հարուստ փորձ հասարակական, իրավապաշտպան գործունեության դաշտում, որպեսզի քաղաքացիական ակտիվության պահանջ լիներ ներքևից և օբյեկտիվությունը, արդարությունը, ընտրությունների նկատմամբ լուրջ մոտեցումները նաև վերևից, քաղաքական կամքի դրսևորման առումով, ակնառու լիներ, նկատելի, բայց այս պահին դեռևս որոշակի լայն տիրույթ բաց մնաց։ Խտացումներ կլինեն անպայման,...
Կարդալ ամբողջովին