Վիճաբանություն, ծեծկռտուք ու կրակոցներ Հրազդանում. վիրավորները հայր ու որդի են

Երեկ` սեպտեմբերի 17-ին, վիճաբանություն, ծեծկռտուք և կրակոցներ են եղել Կոտայքի մարզում։

Ժամը 22:50-ի սահմաններում «Հրազդան» բժշկական կենտրոնից ՀՀ Ներքին գործերի նախարարության Ոստիկանության Կոտայքի մարզային վարչության օպերատիվ կառավարման կենտրոն ահազանգ է ստացվել, որ «աջ քունքային շրջանի սալջարդ վերք, մարմնի բազմակի սալջարդեր» ախտորոշմամբ իրենց մոտ բուժօգնության է տեղափոխվել մի քաղաքացի։

Ինչպես հայտնում է shamshyan.com-ը, բժիշկները ոստիկաններին հայտնել են, որ վիրավորն ի վիճակի չէ կատարվածի մասին բացատրություն տալու, քանի որ գտնվում է վիրահատարանում։ Պարզվել է, որ վերջինս Հրազդան քաղաքի բնակիչ 32-ամյա Տիգրան Խ․-ն է։

Մինչ տեղում ոստիկանները պարզել են դեպքի հանգամանքները, հիվանդանոց է տեղափոխվել «ձախ քունքային շրջանի և աջ ականջի շրջանի սալջարդ վերքեր» ախտորոշմամբ մի քաղաքացի։ Ոստիկանները պարզել են, որ նա Հրազդանի բնակիչ 50-ամյա Գնել Խ․-ն է։

Պարզվել է, որ նույն օրը ժամը 22:00-ի սահմաններում Հրազդան քաղաքի Կենտրոն թաղամասի 3-րդ շենքի բակում Հրազդան քաղաքի բնակիչներ 34-ամյա Գարիկ Հ․-ն, ...