Այսօր Երեւան քաղաքի ընդհանուր իրավասության դատարանը՝դատավոր Վաչե Մարգարյանի նախագահությամբ, բավարարեց նախաքննական մարմնի միջնորդությունը եւ կալանավորեց Խաչատուր Սուքիասյանի եղբորը՝ Ռոբերտ Սուքիասյանին: Սուքիասյանը մեղադրվում է ՀՀՔՕ 258-րդհոդվածի 4-րդմասով (Խուլիգանություն, որըկատարվելէզենքիկամորպեսզենքօգտագործելովառարկաներիգործադրմամբ):
Համաձայն Քննչական կոմիտեի երեկ տարածած հաղորդագրության, Ռոբերտ Սուքիասյանը, երթևեկության ընթացքում իր ծանոթի կնոջը Նարեկ Կարապետյանի կողմից ձայնային ազդանշան տալու և վիրավորանքներ հասցնելու շուրջ պարզաբանումներ ստանալու նպատակով, 2021թ. հուլիսի 18-ին՝ ժամը 19:15-ի սահմաններում, Երևան քաղաքի Ամիրյան փողոցում վերոնշյալ ծանոթի և մի խումբ անձանց հետ վիճաբանել է Ն.Կարապետյանի և նրա ընկերոջ հետ: Այդ ընթացքում բացահայտ անհարգալից վերաբերմունք դրսևորելով հասարակության նկատմամբ՝ նշված անձինք հայհոյանքներ են հնչեցրել և փոխադարձ հարվածներ հասցրել միմյանց: «Ռոբերտ Սուքիասյանն, իր անձի առավելությունն ընդգծելու մոլուցքով տարված, նախ` գլխով, ապա՝ բռունցքով, հարվածել է Ն.Կարապետյանի դեմքին, որից հետո հանել ու ցուցադրաբար լիցքավորել է օրինական հիմունքներով իրեն պատկանող «BROWNING» տեսակի 9x17 տրամաչափի մարտական ատրճանակը, ապա՝ շարունակելով խուլիգանական գործողությունները՝ նշված ատրճանակից 2 կրակոց է արձակել վերջինիս ոտքերի ուղղությամբ՝ գետնին՝ շրջապատում գտնվող անձանց մոտ առաջացնելով վախի մթնոլորտ»,-ասված է ՔԿ հաղորդագրությունում:
Այնուհետև ըստ պաշտոնական հաղորդագրության՝ Ռոբերտ Սուքիասյանը նույն ատրճանակով կրակոց է արձակել նաև Նարեկ Կարապետյանի ընկերոջ ուղղությամբ՝ պատճառելով աջ սրունքոսկրի հրազենային վնասվածք և հեռացել: Սույն գործի շրջանակներում ձերբակալվածի կարգավիճակ ունի նաև Նարեկ Կիրակոսյանը, որը կասկածվում է ՀՀ ՔՕ 258-րդ հոդվածի 4-րդմասով (Խուլիգանություն, որը կատարվել է զենքի կամ որպես զենք օգտագործելով առարկաների գործադրմամբ):
ՀԺ-ի զրույցում Խաչատուր Սուքիասյանի եղբոր՝ Ռոբերտ Սուքիասյանի պաշտպան Գոռ Միքայելյանն՝ անդրադառնալով իր պաշտպանյալի կալանավորմանը, ընգծեց՝ դատարանի որոշումը ոչ իրավաչափ է:
«Ռոբերտ Սուքիասյանին մեղադրանք չէր առաջադրվել, վերջինս ունեցել է կասկածյալի կարգավիճակ, մեղադրանքը առաջադրվել է կալանավորման միջնորդությունը ներկայացնելուց ժամեր անց, հետևաբար մեղադրող կողմի միջնորդությունը ենթակա էր մերժման։ Դատական նիստի ընթացքում քննիչը մի կերպ փորձում էր սխալների տակից դուրս գալ: Դատավորն էլ հարցնում էր քննիչին՝ դուք ունեցե՞լ եք պրակտիկա, որ այս իրավիճակում մարդուն տանեք կալանքի և կալանքը դատարանը բավարարի: Դատավորն էլ էր տեսնում, որ սա բավարարելու կալանք չէ»:
Առաջադրած մեղադրանքի և Սուքիասյանի կալանավորման վերաբերյալ Ռոբերտ Սուքիասյանի պաշտպանը պատասխանել է մեր մի քանի հարցերին:
- Պարոն Միքայելյան, նշեցիք, որ դատավորը հասկանում էր, որ սա բավարարելու կալանք չէ, այդ դեպքում ինչպե՞ս կմեկնաբանեք նրա որոշումը:
-Որոշումն այնքան տարօրինակ էր: Կարծում եմ՝ դատավորը վախ ուներ, որ բերել են, ուրեմն պետք է բավարարի:
- Ենթադրում եք, որ Վաչե Մարգարյանի որոշման վրա եղել է ազդեցությո՞ւն:
- Կարող է, բայց ես չունեմ ապացույցներ: Կամ ուղղակի իր ներքին վախն է եղել:
- Կալանավորման ի՞նչ հիմքեր են ներկայացվել դատարանին:
- Երկու հիմք է ներկայացվել՝ քննության խոչընդոտումը և...
