Կասկադյորական ավտովթար Սևանում. Hyundai-ի խմած վարորդը բախվել է 07-ին ու դիմել փախուստի. 07-ը գլխիվայր շրջվել է. ճանապարհային ոստիկանները տաք հետքերով հայտնաբերեցին փախուստի դիմած վարորդին. ՖՈՏՈՌԵՊՈՐՏԱԺ

Այսօր՝ մայիսի 15-ին, կասկադյորական ավտովթար է տեղի ունեցել Գեղարքունիքի մարզում: Ժամը 20:25-ի սահմաններում Երևան քաղաքի Դավիթաշեն վարչական շրջանի բնակիչ Արման Բարսեղյանը իր վարած Hyundai մակնիշի 34 TP 750 համարանիշի ավտոմեքենայով Երևան-Սևան–Իջևան ավտոճանապարհի 65-րդ կմ հատվածում՝ դեպի Դիլիջան ընթանալիս, բախվել է համընթաց երթևեկող, Գեղարքունիքի մարզի Ծովագյուղ գյուղի բնակիչ, 37-ամյա Էմին Սանեյանի վարած ВАЗ 2107 մակնիշի 36 AՍ 326 համարանիշի ավտոմեքենային:

Ինչպես դեպքի վայրից հայտնում է ֆոտոլրագրող Գագիկ Շամշյանը, Hyundai-ի վարորդը դեպքի վայրից դիմել է փախուստի՝ անօգնական թողնելով 07-ի վարորդին:

Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Վրույր Գաբրիելյանի գլխավորությամբ:

Ֆոտոլրագրողը հայտնում է, որ մինչ վթարի հարևանությամբ գործող առևտրի կենտրոնի աշխատակիցները օգնություն էին ցուցաբերում 07-ի վարորդին, վաշտի հրամանատար Է. Սուսլիյանն ու դասակի հրամանատար Վ. Գաբրիելյանը տեղեկություն ստացան, որ ավտոմեքենան հնարավոր է՝ փախուստի է դիմել կամ Դիլիջանի կամ թերակղզու ուղղությամբ:

Է. Սուսլիյանը ը ուղևորվեց Դիլիջանի ուղղությամբ, իսկ Վ. Գաբրիելյանը՝ թերակղզու: Թերակղզում ճանապարհային ոստիկանները հայտնաբերեցին Hyundai ավտոմեքենան և վարորդին:

Վարորդը ենթարկվել է սթափության փորձաքննության, պարզվել է, որ նա գտնվում է ոչ սթափ վիճակում: Նա անգամ իր մոտ վարորդական իրավունքի վկայական չուներ: Նրա մոտ միայն հայտնաբերվեց սոցքարտ և ավտոմեքենայի տեխնիկական անձնագիր:

Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է ոստիկանո...