Քեզ բացակա չենք դնի. Ծնունդդ շնորհավո՛ր, Արցախյան 44-օրյա պատերազմում նահատակված, լեգենդ դարձած հերոս, լուսաղբյուրցի Գրիգոր Աղաբաբյան. հերոսի անունով բացվեց խաչքար. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Լուսաղբյուր բնակավայրի բնակիչ, Արցախյան 44-օրյա պատերազմում նահատակված, ԱՀ նախագահի կողմից «ՄԱՐՏԱԿԱՆ ԾԱՌԱՅՈՒԹՅՈՒՆ» մեդալով պարգևատրված հերոս Գրիգոր Թովմասի Աղաբաբյանը հունիսի 19-ին կդառնար 20 տարեկան:



Լուսաղբյուրում Սպիտակ համայնքի ղեկավար Քաջայր Նիկողոսյանի, ՀՀ ՊՆ Լոռու մարզի տարածքային ստորաբաժանման Սպիտակի բաժանմունքի պետ Հրահատ Գևորգյանի և աշխատակիցների, Սպիտակի Սուրբ Հարություն եկեղեցու հոգևոր հովիվ Տեր Օվսե քահանա Հովհաննիսյանի, համայնքի ավագանու անդամների, բնակավայրերի վարչական ղեկավարների, համայնքապետարանի աշխատակիցների, համայնքային ոչ առևտրային կազմակերպությունների տնօրենների ու աշխատակիցների, զինվորի ծնողների, նրա հարազատների և բազմաթիվ լուսաղբյուրցիների ներկայությամբ տեղի ունեցավ միջոցառում և խաչքարի օծման արարողություն` ի հիշատակ Գրիգոր Աղաբաբյանի և Արցախյան 44-օրյա պատերազմում զոհված նրա զինակից ընկերների:

Հոգևոր հովիվ Տեր Օվսե քահանա Հովհաննիսյանի կողմից օրհնության խոսքն ուղղելուց, խաչքարի օծման արարողությունից հետո սկսվեց Սպիտակի «Մշակույթի տուն» ՀՈԱԿ-ի կողմից կազմակերպված միջոցառումը, որի անթերի անցկացման համար ջանք ու եռանդ չէին խնայել հաստատության նորանշանակ տնօրեն Աննա Աջամյանը, աշխատակիցները և սաները, որոնց ելույթները գր...