Մեր երկիրը ներկայացնող երգչուհին՝ 14-ամյա Մալենան, իր «Քամի, քամի» երգով նվաճեց Եվրոպայի սիրտը՝ 224 միավորով զբաղեցնելով առաջին հորիզոնականը։
Ֆրանսիայի մայրաքաղաք Փարիզում կայացած մրցույթում այս տարի հաղթանակի համար պայքարում էր 19 երկրի ներկայացուցիչ, իսկ մրցույթի հաղթողը որոշվեց ազգային ժյուրիների և հեռուստադիտողների քվեարկության արդյունքում՝ 50/50 հարաբերակցությամբ:
Երկրորդ հորիզոնականում է Լեհաստանի պատվիրակը, իսկ առաջատարների եռյակը եզրափակում է Ֆրանսիայի մասնակիցը։
Հիշեցնենք, որ Մալենան «Մանկական Եվրատեսիլի» Հայաստանի պատվիրակն էր դեռեւս 2020 թվականին, սակայն պատերազմով պայմանավորված՝ Առաջին ալիքը չեղարկեց միջազգային մրցույթին Հայաստանի մասնակցությունը: Իսկ այս տարի Մալենան հնարավորություն ունեցավ իրականացնել իր երկարամյա երազանքը՝ Եվրատեսիլին ներկայանալով «Քամի, քամի» երգով, որի երաժշտության հեղինակն է Դավիթ Բադալյանը (tokionine), խոսքերի հեղինակներն են Վահրամ Պետրոսյանը, Դավիթ Բադալյանը, ինքը՝ Մալենան եւ Դավիթ Ծերունյանը։ Երաժշտական պրոդյուսերն է Անուշիկ Տեր-Ղուկասյանը։
Մալենան ծնվել է 2007 թվականի հունվարի 10-ին՝ Հայաստանում: Նա մեծացել է եր...
