PanARMENIAN.Net - ՌԴ ԱԳՆ ներկայացուցիչ Մարիա Զախարովան, մեկնաբանելով ՀՀ վարչապետ Նիկոլ Փաշինյանի խոսքերը, թե ՌԴ-ն է ԼՂ բնակչության անվտանգության երաշխավորը, ասել է՝ ԼՂ համար պատասխանատվությունը երրորդ երկրների վրա բարդելու ՀՀ փորձերը մնում են վերջինիս խղճին։
«Հայաստանի ղեկավարության հայտարարությունները դիտարկում ենք որպես այն գծի շարունակություն, որը ստանձնել են ԵՄ հովանու ներքո Պրահայում անցկացված գագաթնաժողովում։ Ուստի հայկական կողմի, նկատի ունեմ՝ Հայաստանի ղեկավարության խղճին ենք թողնում Լեռնային Ղարաբաղի ճակատագրի համար պատասխանատվությունը երրորդ երկրների վրա բարդելու փորձերը»,- ասել է Զախարովան, գրում է ՏԱՍՍ-ը։
Նա հավելել է, որ ՌԴ գլխավոր նպատակը խաղաղության և կայունության հասնելն է ու տարաձայնությունները հարթելը, սակայն դա կարող է անել միայն սեփական պատասխանատվության գոտում։
«Մեր երկրի բոլոր պարտավորությունները հստակ գրանցված են ՌԴ, ՀՀ և Ադրբեջանի ղեկավարների նոյեմբերի 9-ի եռակողմ հայտարարության մեջ։ Ուղղակի պետք է բացել այդ փաստաթուղթը և նայել, թե ինչ պարտավորություննե...