«Իշխող քաղաքական թիմը տվել է բազմաթիվ խոստումներ, սակայն դրանց զգալի մասը չի կատարել, կամ էլ կատարել է ճիշտ հակառակը»

2018-ի իշխանափոխությունից հետո էական հետընթաց ունենք։ Այս մասին այսօր տեղի ունեցած քննարկման ժամանակ ասաց ՀՀ էկոնոմիկայի նախկին փոխնախարար Գարեգին Մելքոնյանը։
Ընդորում, ըստ նրա, հետընթացը ոչ միայն տնտեսությունում է, այլև պետական կառավարման ամենատարբեր ոլորտներում։
Նրա խոսքով՝ կա երեք հիմնական գործոն, որն ազդում է պետության կողմից իրականացվող աշխատանքի վրա։ Առաջինն, ըստ նրա, արդյունավետ պետական կառավարումն է, երկրորդն այն է, երկիրը պետք է ունենա զարգացման օրակարգ, որ բխի երկրի, ժողովրդի, պետության շահերից, երրորդը՝ պրոֆեսիոնալ թիմն է, որն ունակ լինի իրականացնելու ծրագրերը։ Մինչդեռ, ինչպես նշեց Գարեգին Մելքոնյանը, այս երեք գործոնի մասով էլ կա խնդիր։
«Պետական կառավարման ոչ արդյունավետությունը բերում է խնդիրների բոլոր առումներով։ Եթե դու չունես էֆեկտիվ գործող պետական համակարգ, ապա բնակչությունը չի կարող ապրել բարեկեցիկ պայմաններում»,- ասաց նա։
Գարեգին Մելքոնյանը նկատեց, որ իշխող քաղաքական թիմը տվել է բազմաթիվ խոստումներ, սակայն իրենց փորձագիտական խմբով իրականացված ուսումնասիրության արդյունքում պարզել են, որ նախընտրական կամ կառավարության ծրագրերում ներառված խոստումների զգալի մասը կամ չի կատարվել, կամ էլ կատարվել է ճիշտ հակառակը, ինչը տարօրինակ է։
Նա նշեց, որ ...