«Ֆիլհարմոնիկը բացում է դռները տարվա բոլոր եղանակներին ու բոլոր օրերին»

Հայաստանի ազգային ֆիլհարմոնիկ նվագախումբը գլխավոր դիրիժոր Էդուարդ Թոփչյանի գլխավորությամբ պատրաստվում է փետրվարի 28-ի համերգին։ Աշխարհի ամենահանճարեղ թավջութակահարներից մեկի՝ Միշա Մայսկիի հետ Չայկովսկիի, Բրուխի Սեն-Սանսի ու Բեթհովենի ստեղծագործություններն են կատարելու։

Ֆիլհարմոնիկը բացում է դռները տարվա բոլոր եղանակներին ու բոլոր օրերին։ Հայաստանի ազգային ֆիլհարմոնիկ նվագախմբի և Արամ Խաչատրյան համերգասրահի նոր տնօրեն Վիկտոր Մնացականյանը վստահեցնում է՝ համերգասրահն աշխատելու է հենց այս սկզբունքով։ Շաբաթվա բոլոր օրերին թեմատիկ միջոցառումներ են լինելու. դասականից մինչև հոգևոր, էքսպերիմենտալ երաժշտություն. «Ընդամենը համերգ չէ, մերը իրադարձություն է, մենք առաքելություն ունենք, որպեսզի մեր երեխաներին կրթենք, որպեսզի երևանցիներին կրթենք, որպեսզի մեր բոլոր հյուրերին մայրաքաղաքի, մեր հայրենակիցներին, բոլորին ծանոթացնենք առաջին հերթին և՛ հայկական մշակույթին...