Մեհրաբի եւ Մեղրիի հրամանատարները մաքուր զինվորական են, ոչ մի անգամ չեն խառնվել քաղաքական պրոցեսներին. Մեղրիի քաղաքապետ

Մեհրաբի եւ Մեղրիի հրամանատարների վերաբերյալ ծառայողական քննությունը դեռ նոր է սկսվում, համոզված եմ, որ դա քաղաքական դրդապատճառներով է պայմանավորված։ Այս մասին NEWS.am-ի հետ զրույցում պատմեց Մեղրիի քաղաքապետ Մխիթար Զաքարյանը։

«Այնքան ապուշ են, որ հիմնավորել են, թե քաղաքական պրոցեսներին խառնելն է, բայց իրականությունը, որ քաղաքական պրոցեսներին ի օգուտ Նիկոլի չխառնվելն է պատճառը, ծառայողական քննությունը այդ ուղղությամբ է գնալու։ Մեհրաբի հրամանատարն էլ, Մեղրիի շտաբի պետն է եղել, հետո է գնացել Մեհրաբի գնդի հրամանատար։ Երկուսն էլ իմ ընկերներն են։ Ես համոզված եմ, որ քաղաքական դրդապատճառներով է պայմանավորված, այդպես է եւ նաեւ պաշտոնապես գրված է, որ քաղաքական պրոցեսներին խառնվելու պատճառաբանությամբ են ազատում նրան։ Ծառայողական քննությունից հետո կպարզվի, նրանց մեղադրում են, որ ի օգուտ այլ ուժերի քարոզ են տարել, բայց ես առնվազն մեր մասով, որովհետեւ պայմանագրայինները բոլորը մեր բնակիչներն են, չեմ կարող տեղյակ չլինել, չի եղել ընդհանրապես նման բան, որ նրանք քարոզ անեն։ Անգամ ինձ հետ այդ թեմաներով ոչ մի անգամ խոսակցություն չի եղել։ Մեհրաբի հրամանատարին էլ ճանաչելով գիտեմ՝ մաքուր զինվորական են, արդեն 20 տարի է՝ նրանց ճանաչում եմ, ոչ մի անգամ չեն խառնվել քաղաքական պրոցեսներին, բնավորությունում չկա, բացի բանակից նրանց ոչ մի ուրիշ հարց չի հետաքրքրում»,- ասաց Մխիթար Զաքարյանը։

Զաքարյանը վստահ է, որ չեն էլ հասցնի ծառայողական քննության բուն փ...