Հայացք «ԱդեկվաԴ»-ներին՝ «Օվերտոնի պատուհանից». hraparak.am

Վերջին շրջանում հասարակության մեջ քննարկման լայն առարկա է դարձել Արթուր Դանիելյանի եւ Նարեկ Մալյանի «ԱդեկվաԴ» հաղորդաշարը։ Հատկապես Մարալիկում տեղի ունեցած իրադարձություններից հետո, երբ նախագծի անդամները մարալիկցի երիտասարդների կողմից բռնության ենթարկվեցին, քննարկումներն ընդգրկեցին հասարակական ավելի լայն շերտեր՝ ներգրավելով նաեւ քաղաքական ու հասարակական գործիչների, որոնք հանդես եկան բռնության դեմ կոչերով՝ ի պաշտպանություն «ԱդեկվաԴ»-ների։ Շուրջ հինգ ամսվա ընթացքում Նարեկ Մալյանն ու Արթուր Դանիելյանը ներկայացրել են տասնյակ հաղորդումներ, որտեղ անդրադարձել են նորընտիր կառավարության թերացումներին՝ հանդես գալով քննադատությամբ։ Ընտրված ձեւաչափն իր տեսակով յուրահատուկ է․ հոլովակների մեծ մասը ներկայացվում է ուղիղ եթերի ձեւաչափով՝ այդպիսով պահելով անմիջականությունը դիտողի հետ։ Հեղափոխությունից հետո ժողովրդի շրջանում տարածված համատարած էյֆորիան, արդարացիորեն, չի թողնում, որ կառավարության նկատելի ու էական թերացումները դառնան լայն քննարկման առարկա, եւ ի հայտ գան բողոքի ընդգծված նշաններ։ Իհարկե, դժգոհությունը կա, բայց հույսն այս պարագայում ավել...