Արտակարգ դեպք Երևանում. Թումոյի այգու հարևանությամբ հրդեհ է բռնկվել կայանված Mercedes-ում. մինչ հրշեջների ժամանումը, քաղաքացին կանխել է կրակի տարածումը. վերջինս տեղափոխվել է հիվանդանոց. ՖՈՏՈՌԵՊՈՐՏԱԺ

Այսօր՝ սեպտեմբերի 23-ին, արտակարգ դեպք է տեղի ունեցել Երևանում: Ժամը 20:20–ի սահմաններում Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ Հալաբյան փողոցում՝ Թումոյի այգու հարևանությամբ, ավտոմեքենա է այրվում:



Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել է ԱԻՆ ՓԾ Երևանի թիվ 7 հրշեջ-փրկարարական ջոկատից 1 մարտական հաշվարկ:

Մինչ հրշեջների ժամանումը, ճանապարհի թույլատրելի հատվածում կայանված Mercedes մակնիշի ավտոմեքենայի սեփականատերը իր ուժերով կանխել է կրակի տարածումը, ապա ժամանած հրշեջ-փրկարարները մարել են կրակը:

Կրակը հանգցնելու ժամանակ ավտոմեքենայի սեփականատերը այրվածքներ է ստացել, ում օպերատիվորեն ժամանած շտապօգնության բժիշկների հերթապահ խումբը նախ տեղում առաջին բուժօգնությունն է ցուցաբերել, ապա տեղափոխել «Արմենիա» բժշկական կենտրոն:

Օպերատիվորեն ժամանել են նաև ՀՀ ոստիկանության պարեկային ծ...