Ադրբեջանական լրատվամիջոցները չեն թաքցնում Ղարաբաղում իրավիճակը սրելու մտադրությունը: Չնայած պաշտոնապես հայտարարվում է, որ հայկական կողմն է իրականացնում դիվերսիաներ ու սադրանքներ, սակայն փորձագետների միջոցով Բաքուն հստակ հասկացնել է տալիս, որ աշխարհում ոչ ոք չի ցանկանում փոխել ստատուս-քվոն, այդ պատճառով ստիպված է «պաշտպանել տարածքային ամբողջականությունը»: Քաղաքագետ Տիգրան Աբրահամյանը կարծում է, որ Ադրբեջանն ամրացնում է առաջնագիծը կենդանի ուժով, տեխնիկական ռեսուրսներով, որ դիրքային պատերազմ վարի: Նա չի բացառում, որ Ադրբեջանը պատրաստվում է մասշտաբային պատերազմի: Կարնեգի կենտրոնի փորձագետ Թոմ դե Վաալը կարծում է, որ Ռուսաստանի արտաքին գործերի նախարար Սերգեյ Լավրովի դիվանագիտական նախաձեռնությունների ձախողումից հետո վտանգ կա, որ Բաքուն կգայթակղվի եւ կփորձի վերսկսել ռազմական գործողությունները, որ նոր տարածքներ գրավի եւ հայերին լուծում պարտադրի: Նրա կարծիքով, ռիսկ կա, որ այս անգամ ոչ մեծ գործողությունը կվերաճի ավելի լայնամասշտաբ, ավելի վտանգավոր գործողությունների, քան 2016 թվականի ապրիլին էր: Ադրբեջանի իշխանություններն ուժեղ ճնշման տակ են լինելու, քանի որ հասարակությունն այս անգամ պահանջելու է ավելի մեծ տարածքներ գրավել, այլ ոչ թե փոքր կտորներ: Հայաստանի հասարակությունն էլ իշխանություններից պահանջելու է ավելի վճռական կռվել եւ վերադարձնել ապրիլին կորցրած հողերը: Վերջին մի քանի օրերին ղարաբաղյան հակամարտության գոտում անհանգիստ է: Ղարաբաղի Պաշտպանության նախարարությունը տեղեկացնում է ծանր հրետանային կրակի մասին, ինչը վաղուց չէր եղել: Հայկական կողմը հայտարարում է պատասխան գործողությունների, մեկ զոհի եւ մեկ ծանր վի...
Կարդալ ամբողջովին