Հանրապետականը անընդունելի է համարում այն միջադեպը, որը տեղի է ունեցել Մասիսում կուսակցության ցուցակով առաջադրված երկու պատգամավորության թեկնածուների միջև:
«Երևույթը, որպես այդպիսին, անընդունելի է մեզ համար, սակայն քարոզչության ընթացքում նյարդերը հաճախ տեղի են տալիս, անկախ նրանից՝ որ խմբակցության անդամ են պատգամավորության թեկնածուները, որ կուսակցության անդամ են: Բայց, միանշանակ, դա մեզ համար անընդունելի է: Ես կարծում եմ, որ հարցը քննարկման առարկա կդառնա և նմանատիպ երևույթներին վերջ կտրվի», - «Ազատության» հետ զրույցում մեկնաբանեց ԱԺ Հանրապետական խմբակցության քարտուղար Գագիկ Մելիքյանը:
Մելիքյանն անձամբ խոսել է իրենց համապետական ցուցակում 114-րդ տեղը զբաղեցնող Արայիկ Գրիգորյանի և 121-րդ տեղը զբաղեցնող Մուրադ Մուրադյանի հետ, նրանք պատգամավորներ են նաև այս՝ 5-րդ գումարման Ազգային ժողովում․ - «Այն, ինչ տեղի է ունեցել քարոզչության ընթացքում տարբեր շտաբների անդամների միջև՝ նրանք ևս համարում են անընդունելի, և իրենց գործընկերներին կհորդորեն, որ նմանատիպ երևույթներից զերծ մնան»:
Մասիսում տեղի ունեցած այս բախումը Գագիկ Մելիքյանը չի համարում տարածքային բաց ցուցակների՝ այսպես կոչված ռեյտինգային համակարգի ներդրման արդյունք, թեև նախկինում արդեն հնչել է քննադատություն, թե՝ ռեյտինգային ցուցակները և նույն տարածքում ազդեցություն ունեցող մի քանի անձանց առաջադրումը կարող է սրել իրավիճակն ու հանգեցնել բախումների:
«Պատճառը, համենայնդեպս, դա չէ: Ուղղակի երիտասարդներ, որոնք այդ պահին իրար չեն կարողացել հասկանալ: Կարծում եմ, որ նրանք արդեն հարթել են այդ միջադեպը», - նշեց Մելիքյանը:
Իշխանության մաս կազմող Դաշնակցության համար այս միջադեպն անակնկալ չէր: Դաշնակցության խորհրդարանական խմբակցությունն ու ներկայացրած ցուցակը գլխավորող Արմեն Ռուստամյանը երկու հանրապետականների բախումը հենց տարածքային բաց ցուցակների հետ է կապում:
«Ռեյտինգային թեկնածուներից ամեն մեկի բերած ձայնը ընդհանուր գումարը մեծացնելու է․ սա է եղել տրամաբանությունը: Բայց քանի որ ամեն մեկը չի մտածում, որ ընդհանուր գումարը մեծանա, այլ մտածում է՝ կոնկրետ ինքը անցնում է, թե չի ...
Կարդալ ամբողջովին