«Առաջին լրատվական»-ի զրուցակիցն է ԱԺ փոխնախագահ Ալեն Սիմոնյանը
-Հայաստանյան որոշ քաղաքական ուժեր պատրաստվում են թեժ աշնան: Դուք ի՞նչ քայլեր եք ձեռնարկում այդ ուղղությամբ:
-Մենք նույնպես պատրաստվում ենք թեժ աշնան, բայց այլ իմաստով՝ աշխատանքային, քանի որ շատ ու շատ անելիքներ կան, համավարակը շատ ծրագրեր հետ գցեց, և այսօր անելիքը բավականին շատ է, աշունը, իրոք, աշխատանքային առումով, բավականին թեժ է լինելու:
-Այսինքն՝ դուք ձեզ աշխատանքային ֆրոնտում եք պատկերացնում, ոչ թե քաղաքական:
-Այո՛: Գիտեք՝ նույնիսկ այն ժամանակ, երբ մենք ընդդիմություն էինք, չէինք հավատում «թեժ աշուններին» և չկայինք դրանց մեջ , հիշո՞ւմ եք, այդ ձևաչափով Րաֆֆի Հովհաննիսյանը, Լևոն Տեր-Պետրոսյանը, Գագիկ Ծառուկյանը թեժ աշուն էին խոստանում և ասում՝ ընդդիմությունը միավորվել է, միացե՛ք, հակառակ դեպքում կվերանաք, և մենք չմասնակցեցինք այդ «թեժ» գործընթացին: Այո՛, հիմա մենք պատրաստվում ենք աշխատանքի:
-Երկրորոդ և երրորդ նախագահների ակտիվացումը կապ ունի՞ թեժ աշնան հետ:
-Երկրորդ և երրորդ նախագահների ակտիվացումը կապ ունի իրենց դեմ հարուցված քրեական ...
